তেজপুৰ, 27 ছেপ্টেম্বৰ: মণিপুৰৰ হিংসাত্মক কাৰ্যই দৈনিক নতুন নতুন তথ্য পোহৰলৈ আহিছে । শেহতীয়াকৈ ৰাজ্যখনৰ Indigenous Tribal Leaders Forumৰ নামত প্ৰকাশ পোৱা এখন পত্ৰই খলকনি সৃষ্টি কৰিছে ।
বিভিন্ন মাধ্যমত ইতিমধ্যে এই পত্ৰখন ভুৱা বুলি চৰ্চিত গৈছে ৷ পত্ৰখনৰ জৰিয়তে সংগঠনটোৱে অহা 30 ছেপ্টেম্বৰৰ পৰা 2 অক্টোবৰলৈ মণিপুৰত পপী ফুল আৰু পপী গছৰ পুলিৰ এখন মেলাৰ আয়োজন কৰা হৈছে বুলি উল্লেখ কৰে ।
ITLFৰ নামত প্ৰকাশ পোৱা বিজ্ঞপ্তি কাৰণ বৰ্তমান কুকি শৰণাৰ্থীৰ আৰ্থিক অৱস্থা শোচনীয় হোৱাৰ বাবে তেওঁলোকৰ বাবে সহায়ৰ হাত আগবঢ়াবলৈ আবেদন জনায় । পত্ৰখন সংগঠনটোৰ প্ৰচাৰ সচিব গিনজা ভোলাজংৰ নামত প্ৰকাশ কৰিছে ।
ইফালে মণিপুৰৰ ৰাজ্য চৰকাৰে পাহাৰীয়া অঞ্চলত সমুলাংশে এই মাৰাত্মক পপী খেতি ধ্বংস কৰিছে আৰু এটা ভাইৰেল হোৱা ভিডিঅ’ দেখা পোৱা গৈছে যে এগৰাকী কুকি মহিলাই এই পপী খেতি ধ্বংস কৰাৰ বাবে কান্দি কান্দি খেতিৰ মাজেৰে আঁতৰি গৈছে ।
লক্ষণীয় যে এই বিষয়ে ইটিভি ভাৰতে ITLFৰ প্ৰচাৰ সচিবক যোগাযোগ কৰাত তেওঁ সহাৰি দিয়াৰ পৰা পৰা বিৰত থাকে । মণিপুৰৰ মুখ্যমন্ত্ৰী এন বীৰেন সিঙে এই সকলো বিষয়ে আলোচনা কৰি ৰাজ্যখনত আজিৰে পৰা পাঁচ দিনৰ বাবে ইণ্টাৰনেট সেৱা বন্ধ ৰাখিছে বুলি জানিব পৰা গৈছে ।
মণিপুৰত উচ্চতম ন্যায়ালয়ৰ নিৰ্দেশ মৰ্মে পপী খেতি কৰা আৰু এনেধৰণৰ প্ৰদৰ্শনী সম্পূৰ্ণ বন্ধ ৷ তেনেস্থলত কোনো লোকে ভুৱা তথ্যৰে এনে প্ৰৰোচিত ঘটনাৰ সংঘটিত কৰিব পাৰে বুলি সন্দেহ প্ৰকাশ কৰা হৈছে ৷
লগতে পঢ়ক:AFSPA in Manipur: মণিপুৰৰ ১৯ টা স্থানত পুনৰ AFSPAৰ ম্যাদ 6 মাহৰ বাবে বৃদ্ধি
