তেজপুৰ, ১১ অক্টোবৰ: তেজপুৰ বিশ্ববিদ্যালয়ৰ কাউন্সিল হ'লত বুধবাৰে চন্দ্ৰপ্ৰভা শইকিয়ানী মহিলা অধ্যয়ন কেন্দ্ৰত আন্তৰ্জাতিক কন্যা দিৱস পালন কৰা হয় (International Girl Child Day at TU)। পাঁচমাইল উচ্চতৰ মাধ্যমিক বিদ্যালয়ৰ ৪০ গৰাকী ছাত্ৰীয়ে আজিৰ এই অনুষ্ঠানটোত অংশগ্ৰহণ কৰে ।
কেন্দ্ৰটোৰ মুৰব্বী ড৹ মাধুৰীমা গোস্বামীয়ে অনুষ্ঠানটোৰ শুভাৰম্ভ কৰে (Council Hall of ezpur University)। তেওঁ অনুষ্ঠানটোৰ উদ্দেশ্য সম্পৰ্কে শিক্ষাৰ্থীসকলক অৱগত কৰে । এই অনুষ্ঠানটোৰ সৈতে সংগতি ৰাখি বিশ্ববিদ্যালয়ৰ বিভিন্ন বিভাগৰ ছাত্ৰ-ছাত্ৰীয়ে বিদ্যালয়ৰ ছাত্ৰ-ছাত্ৰীসকলৰ বাবে অনুপ্ৰেৰণাদায়ক আৰু তথ্যপূৰ্ণ চুটি ছবি আৰু এখন নাটক উপস্থাপন কৰে ।
চুটি চলচ্চিত্ৰ আৰু নাটকখন বিদ্যালয়ৰ শিক্ষাৰ্থীসকলৰ বাবে প্ৰদৰ্শন কৰা হয় । নাটকখনত সমাজত বিৰাজ কৰা কেইবাটাও কন্যা সন্তান আৰু মহিলা সম্পৰ্কীয় বিষয় প্ৰদৰ্শন কৰা হয় । ইয়াৰ ভিতৰত আছে ছোৱালী সন্তান জন্মৰ প্ৰতি অসন্তুষ্টি, মহিলাৰ বিৰুদ্ধে চাইবাৰ অপৰাধ আৰু এচিড আক্ৰমণ অন্য়তম ।
তেজপুৰ বিশ্ববিদ্যালয়ৰ শিক্ষাৰ্থী আৰু বিদ্যালয়ৰ শিশুসকলৰ মাজত কৰা প্ৰদৰ্শনৰ পিছত পাৰস্পৰিক বাৰ্তালাপ কৰা হয় । বিদ্যালয়ৰ শিক্ষাৰ্থীসকলে তেওঁলোকৰ চাৰিওফালে ব্যক্তিগতভাৱে অনুভৱ কৰা বা পৰ্যবেক্ষণ কৰা অসংখ্য অপকৰ্মৰ বিষয়েও আলোচনা কৰে ।
উল্লেখ্য় যে, ২০০৯ চনত তেজপুৰ বিশ্ববিদ্যালয়ত স্থাপিত চন্দ্ৰপ্ৰভা শইকিয়ানী মহিলা অধ্যয়ন কেন্দ্ৰই প্ৰতি বছৰে ছোৱালী শিশুসকলক তেওঁলোকৰ অধিকাৰ আৰু সমাজত কৰা ভুল কামৰ বিষয়ে শিক্ষিত আৰু অনুপ্ৰাণিত কৰিবলৈ আন্তৰ্জাতিক কন্যা শিশু দিৱস উদযাপন কৰি আহিছে । বিশ্ববিদ্যালয়খন তেজপুৰ চহৰৰ মাজভাগৰ পৰা প্ৰায় ১৫ কিলোমিটাৰ দূৰত নাপামত অৱস্থিত ।
উল্লেখ্য যে, আন্তৰ্জাতিক কন্যা শিশু দিৱস ( International Day of Girl Child) বিশ্বজুৰি ৰাষ্ট্ৰসংঘৰ (United Nations) সদস্য় ৰাষ্ট্ৰসমূহে প্ৰতি বছৰে ১১ অক্টোবৰত পালন কৰে । ২০১২ চনৰ ১১ অক্টোবৰত প্ৰথম এই দিৱস পালন কৰা হৈছিল । লিংগ বৈষম্য দূৰ কৰা এই দিৱসৰ অন্যতম প্ৰধান উদ্দেশ্য । অন্যান্য উল্লেখযোগ্য ক্ষেত্ৰ সমূহ হ’ল শিক্ষাৰ অধিকাৰ,পৰিপুষ্টি, আইনী সহায় আৰু ন্যায়িক অধিকাৰ, চিকিৎসা সুবিধা আৰু বৈষম্যৰ পৰা সুৰক্ষা, নাৰীৰ বিৰুদ্ধে হিংসা আৰু বলপূৰ্বক তথা বাল্য বিবাহ আদি ।
লগতে পঢ়ক:Tea labour protest: প্ৰাপ্য বিচাৰি প্ৰতিবাদত বহিল কেটেলা চাহ বাগিচাৰ শ্ৰমিক
