ৰঙাপাৰাত আঘাতপ্ৰাপ্ত অৱস্থাত হাতীৰ পোৱালি উদ্ধাৰ

শোণিতপুৰ জিলাৰ ৰঙাপৰাৰ তাৰাজুলি চাহ বাগিচাৰ বৃহস্পতিবাৰে  প্ৰায় 6 বছৰীয়া বনৰীয়া হাতীৰ পোৱালি এটা আঘাতপ্ৰাপ্ত অৱস্থাত উদ্ধাৰ কৰা হয় ৷

ৰঙাপৰা, 18 জুলাইঃ শোণিতপুৰ জিলাৰ ৰঙাপৰাৰ তাৰাজুলি চাহ বাগিচাৰ বৃহস্পতিবাৰে প্ৰায় 6 বছৰীয়া এটা বনৰীয়া হাতীৰ পোৱালি আঘাতপ্ৰাপ্ত অৱস্থাত উদ্ধাৰ হয় । হাতী পোৱালিটোক চিকিৎসা প্ৰদান কৰাৰ উদ্দেশ্যে কাজিৰঙাৰ ৰাষ্ট্ৰীয় উদ্যানৰ অধীনত থকা বিশ্বনাথ চাৰিআলিৰ ডব্লিউ টি আইৰ চিকিৎসক ৰিংকু গোহাঁই আৰু ডকছ বেগুংৱাৰ ৰঙাপাৰাত উপস্থিত হৈ হাতীটোক ট্ৰেংকুইলাইজ কৰে । পাছত বনৰীয়া হাতীটোক প্ৰকৃতি প্ৰেমী দিলীপ নাথ, আমাৰীবাৰীৰ বনকৰ্মী আৰু স্থানীয় সাংবাদিকসকলৰ উপস্থিতিত চিকিৎসকসকলে দহটাকৈ চেলাইন আৰু বেজী দি চিকিৎসা প্ৰদান কৰি থকা হৈছে ।