তেজপুৰ,24 জানুৱাৰী : অৰুণাচল প্ৰদেশৰ শ্বি য়োমী জিলাৰ মেচুকাত দুদিনীয়া কাৰ্যসূচীৰে ‘সেনাক জানো আহক’ শীৰ্ষক এক অনুষ্ঠানৰ আয়োজন কৰে ভাৰতীয় সেনাবাহিনীয়ে ৷ এই অনুষ্ঠানযোগে সেনাই বিভিন্ন অত্যাধুনিক অস্ত্ৰ প্ৰদৰ্শন কৰাৰ লগতে স্কুলীয়া ছাত্ৰ-ছাত্ৰীক ভাৰতীয় সেনাৰ বিষয়ে এক আভাস দিবলৈ চেষ্টা কৰে ।
শনিবাৰে আৰম্ভ হোৱা এই কাৰ্যসূচীৰ দেওবাৰে সামৰণি পৰে ৷ সামৰণি অনুষ্ঠানত অংশগ্ৰহণ কৰে অৰুণাচল প্ৰদেশৰ বিধানসভাৰ অধ্যক্ষ পাছাং দৰ্জী সোনাই ৷ তেওঁ কয় যে, সেনাই যি ব্যৱস্থা গ্ৰহণ কৰিছে, এই ব্যৱস্থাই যথেষ্ট পৰিমাণে ছাত্ৰ-ছাত্ৰীক সহায় কৰিব আৰু ভাৰতীয় সেনাক বুজিবলৈ সুবিধা প্ৰদান কৰিব ।