তেজপুৰ,২৩ এপ্ৰিল:সমগ্ৰ দেশত ক'ভিডৰ দ্বিতীয় ঢৌৰ সময়ত চিকিৎসালয়সমূহত অক্সিজেনৰ অভাৱৰ মাজতে সশস্ত্ৰ বাহিনী চিকিৎসা সেৱাই (এ.এফ.এম.এছ) জাৰ্মানীৰ পৰা অক্সিজেন উৎপাদন কাৰখানা আৰু পাত্ৰ আমদানি কৰাৰ সিদ্ধান্ত লৈছে । জাৰ্মানীৰ পৰা ২৩ টা ভ্ৰাম্যমাণ অক্সিজেন উৎপাদন প্ৰকল্প বিমানেৰে অনা হৈছে যাক ৰোগীসকলক সেৱা আগবঢ়োৱা এ.এফ.এম.এছ চিকিৎসালয়ত ৰখা হ'ব ।
প্ৰতিটো প্ৰকল্পৰ প্ৰতি মিনিটত ৪০ লিটাৰ অক্সিজেন আৰু ঘণ্টাত ২,৪০০ লিটাৰ অক্সিজেন উৎপাদন কৰাৰ ক্ষমতা আছে । এই হাৰত ই ২০-২৫ জন ৰোগীক ২৪ ঘণ্টা সেৱা আগবঢ়াব পাৰে। এই প্ৰকল্পবোৰৰ সুবিধা হৈছে যে সেইবোৰ সহজে বহনযোগ্য। এই অক্সিজেন উৎপন্নকাৰী প্ৰকল্পবোৰ এসপ্তাহৰ ভিতৰত ভাৰতলৈ আহি পোৱাৰ সম্ভাৱনা আছে ।