সশস্ত্ৰ বাহিনী চিকিৎসা সেৱাই জাৰ্মানীৰ পৰা আমদানি কৰিব ভ্ৰাম্যমান অক্সিজেন প্ৰকল্প

এ.এফ.এম.এছয়ে জাৰ্মানীৰ পৰা অক্সিজেন উৎপাদন প্ৰকল্প আমদানি কৰিব যাতে ক'ভিড-১৯ৰ বৰ্তমান পৰিস্থিতিৰ বাবে সহায় হয় । লগতে এ.এফ.এম.এছ.ত চমু সেৱা আয়োগৰ চিকিৎসকসকলক ৩১ ডিচেম্বৰলৈ সম্প্ৰসাৰণ কৰাৰ সিদ্ধান্ত লৈছে প্ৰতিৰক্ষা মন্ত্ৰালয়ে ।

তেজপুৰ,২৩ এপ্ৰিল:সমগ্ৰ দেশত ক'ভিডৰ দ্বিতীয় ঢৌৰ সময়ত চিকিৎসালয়সমূহত অক্সিজেনৰ অভাৱৰ মাজতে সশস্ত্ৰ বাহিনী চিকিৎসা সেৱাই (এ.এফ.এম.এছ) জাৰ্মানীৰ পৰা অক্সিজেন উৎপাদন কাৰখানা আৰু পাত্ৰ আমদানি কৰাৰ সিদ্ধান্ত লৈছে । জাৰ্মানীৰ পৰা ২৩ টা ভ্ৰাম্যমাণ অক্সিজেন উৎপাদন প্ৰকল্প বিমানেৰে অনা হৈছে যাক ৰোগীসকলক সেৱা আগবঢ়োৱা এ.এফ.এম.এছ চিকিৎসালয়ত ৰখা হ'ব ।

প্ৰতিটো প্ৰকল্পৰ প্ৰতি মিনিটত ৪০ লিটাৰ অক্সিজেন আৰু ঘণ্টাত ২,৪০০ লিটাৰ অক্সিজেন উৎপাদন কৰাৰ ক্ষমতা আছে । এই হাৰত ই ২০-২৫ জন ৰোগীক ২৪ ঘণ্টা সেৱা আগবঢ়াব পাৰে। এই প্ৰকল্পবোৰৰ সুবিধা হৈছে যে সেইবোৰ সহজে বহনযোগ্য। এই অক্সিজেন উৎপন্নকাৰী প্ৰকল্পবোৰ এসপ্তাহৰ ভিতৰত ভাৰতলৈ আহি পোৱাৰ সম্ভাৱনা আছে ।

সশস্ত্ৰ বাহিনী চিকিৎসা সেৱাই জাৰ্মানীৰ পৰা আমদানি কৰিব ভ্ৰাম্যমান অক্সিজেন প্ৰকল্প

আন এক গুৰুত্বপূৰ্ণ সিদ্ধান্ত গ্ৰহণ কৰি কয় যে প্ৰতিৰক্ষা মন্ত্ৰালয়ে চিকিৎসা সেৱাৰ বৰ্তমানৰ বৃদ্ধিৰ ওপৰত গুৰুত্ব আৰোপ কৰিবলৈ এএফএমএছত চমু সেৱা আয়োগৰ চিকিৎসকসকলক ৩১ ডিচেম্বৰলৈ বৃদ্ধি কৰিব । যাতে এএফএমএছৰ শক্তি অতিৰিক্ত ২৩৮ জন চিকিৎসকৰ দ্বাৰা বৃদ্ধি কৰিব পাৰে ।

লগতে পঢ়ক:অসমত যে হৰ্চ ট্ৰেডিং নহ’ব সেইটো নুই কৰিব নোৱাৰি:খাম্ফা বৰগয়াৰী