জীয়া ভৰলী নদীৰ পাৰত বনভোজ খালে শতাধিক বনভোজকাৰীয়ে

নতুন বৰ্ষৰ প্ৰথম দিনটোতে ৰাজ্যৰ সকলো প্ৰান্তত দেখা ৰাইজৰ আনন্দ উলাস ৷ অসম-অৰুণাচলৰ সীমান্তৰ জীয়া ভৰলী নদীৰ পাৰত বনভোজ খাই আনন্দত মতলীয়া হ'ল শতাধিক বনভোজকাৰী ৷

ৰঙাপৰা, 1 জানুৱাৰী : শোণিতপুৰ জিলাৰ অসম-অৰুণাচলৰ সীমান্তৰ বাৰ মাইলত নৱবৰ্ষৰ পহিলা দিনটোত ভিৰ কৰিলে শতাধিক বনভোজকাৰীয়ে ৷ পুৱাৰে পৰা চুবুৰীয়া ৰাজ্য অৰুণাচল প্ৰদেশৰ পৰা কুল কুল শব্দৰে বৈ অহা জীয়া ভৰলী নদীৰ পাৰত নিজৰ আত্মীয়ৰ সৈতে অগণন লোকে বনভোজ খাবলৈ আহি আনন্দত মতলীয়া হোৱা পৰিলক্ষিত হ'য় ।

উল্লেখ্য যে, নতুন বৰ্ষক আদৰণি জনোৱাৰ উদ্দেশ্যে ৰাজ্যৰ প্ৰায়বোৰ বনভোজস্থলীত শুকুৰবাৰে ভিৰ কৰা দেখা গ'ল শতাধিক বনভোজকাৰীৰ ৷ বনভোজস্থলীত আনন্দত মতলীয়া হৈ নাচি-বাগি, মাছ-মাংসৰে লগে-ভাগে তৃপ্তিৰে এসাঁজ খাই ইংৰাজীক নৱবৰ্ষক আদৰিলে ৰাজ্যবাসীয়ে ৷

লগতে পঢ়ক: বিগত দুটা বৰ্ষত কাজিৰঙা ৰাষ্ট্ৰীয় উদ্যানত হ্ৰাস পাইছে গঁড় হত্যাৰ ঘটনা