তেজপুৰ,29 মেঃ তেজপুৰ পৰোৱাৰ 100 খন বিছনাযুক্ত প্ৰসূতি চিকিৎসালয় উদ্বোধন স্বাস্থ্যমন্ত্ৰী ড৹ হিমন্ত বিশ্ব শৰ্মাৰ । চিকিৎসালয়খন উদ্বোধন কৰিয়ে সংবাদমেল সম্বোধন কৰে স্বাস্থ্যমন্ত্ৰী গৰাকীয়ে । এই সংবাদমেলতে উদ্বোধিত চিকিৎসালয়খন কোভিড-১৯ চিকিৎসালয় হিচাপে ঘোষণা কৰে ড৹ হিমন্ত বিশ্ব শৰ্মাই । 21.86 কোটি টকাৰ ব্যয়ৰে নিৰ্মাণ কৰা চিকিৎসালয়খনত 200 জন কোভিড-19 ৰোগীক ৰাখিব পৰা যাব ।
উল্লেখ্য যে, চিকিৎসালয়খনত তেজপুৰ মেডিকেল কলেজ হাস্পতালৰ বিশেষজ্ঞ চিকিৎসকৰ দলে চিকিৎসা প্ৰদান কৰিব । স্বাস্থ্য বিভাগৰ 'হেলথ এ' কৰ্মচাৰী ইতিমধ্যে নিযুক্তি দিয়া হৈছে বুলি সংবাদমেলযোগে জানিবলৈ দিয়ে স্বাস্থ্যমন্ত্ৰী গৰাকীয়ে । ইয়াৰ উপৰিও তেজপুৰৰ ডিফেঞ্চ ৰিচাৰ্চ লেবৰেটৰীত কোভিড পৰীক্ষাগাৰো উদ্বোধন কৰে স্বাস্থ্যমন্ত্ৰী গৰাকীয়ে । পৰীক্ষাগাৰটোত অহা 7 দিনৰ ভিতৰত পৰীক্ষা আৰম্ভ কৰাৰ কথা ব্যক্ত কৰে ড৹ হিমন্ত বিশ্ব শৰ্মাই ।
লগতে পঢ়ক-বাঘজান গেছ-পাইপলাইন বিস্ফোৰণঃ কেন্দ্ৰীয় পেট্ৰ'লিয়াম মন্ত্ৰীলৈ ফোন মুখ্যমন্ত্ৰীৰ