অবৈধ শিল-বালি খনন কাৰ্যত জড়িতক কঠোৰ সকীয়নি বনমন্ত্ৰীৰ

পশ্চিম শোণিতপুৰ বন সংমণ্ডলৰ চাৰিদুৱাৰৰ ধাৰিকাটিৰ "সাহিত্য মনীষী উপবন" উদ্বোধনী কাৰ্যসূচীত উপস্থিত থাকি নামেৰী ৰাষ্ট্ৰীয় উদ্যান আৰু বালিপাৰা সংৰক্ষিত বনাঞ্চলৰ মাজেৰে বৈ যোৱা জীয়া ভৰলী নৈত একাংশ ব্যৱসায়ীয়ে অবৈধভাৱে শিল-বালিৰ খনন কাৰ্য চলাই থকাৰ বিৰুদ্ধে ব্যৱস্থা গ্ৰহণ কৰা হ'ব বুলি জনাই বনমন্ত্ৰীগৰাকীয়ে ।

ৰঙাপৰা, 12 জুনঃ ৰাজ্য চৰকাৰক কৰ ফাঁকি দি একাংশ ব্যৱসায়ীয়ে অব্যাহত ৰাখিছে শিল-বালিৰ অবৈধ ব্যৱসায় । ৰাজহ ফাঁকি দি তথা চালান বিহীনভাৱে শিল-বালিৰ সৈতে জড়িত থকা ব্যৱসায়ৰ বিৰুদ্ধে কঠোৰ হৈছে ৰাজ্যৰ বন বিভাগ । এই ব্যৱসায়ীসকলৰ বিৰুদ্ধে শীঘ্ৰেই ব্যৱস্থা লোৱা হ'ব বুলি জানিবলৈ দিয়ে বনমন্ত্ৰী পৰিমল শুক্লবৈদ্যই ৷

পশ্চিম শোণিতপুৰ বন সংমণ্ডলৰ চাৰিদুৱাৰৰ ধাৰিকাটিৰ "সাহিত্য মনীষী উপবন" উদ্বোধনী কাৰ্যসূচীত উপস্থিত থাকি নামেৰী ৰাষ্ট্ৰীয় উদ্যান আৰু বালিপাৰা সংৰক্ষিত বনাঞ্চলৰ মাজেৰে বৈ যোৱা জীয়া ভৰলী নৈত একাংশ ব্যৱসায়ীয়ে অবৈধভাৱে শিল-বালিৰ খনন কাৰ্য চলাই থকাৰ বিৰুদ্ধে ব্যৱস্থা গ্ৰহণ কৰা হ'ব বুলি জনাই বনমন্ত্ৰীগৰাকীয়ে ।

লগতে পঢ়কঃশিৱসাগৰৰ দিখৌ নৈত মৃতদেহ প্ৰত্যক্ষ

উল্লেখ্য যে, অসমৰ বিলুপ্তপ্ৰায় মূল্যবান গছসমূহ সংগ্ৰহ কৰি ৰাজ্যৰ ২৪ খন জিলাত উদ্যান নিৰ্মাণ কৰা হ'ব বুলিও অৱগত কৰে বনমন্ত্ৰীগৰাকীয়ে । আনহাতে, নামেৰী ৰাষ্ট্ৰীয় উদ্যানখন ভাৰতবৰ্ষৰ লগতে বিশ্বৰ দৰবাৰত প্ৰতিষ্ঠিত কৰাৰ বাবে পৰিকল্পনা কৰা হৈছে বুলিও জানিবলৈ দিয়ে বনমন্ত্ৰী পৰিমল শুক্লবৈদ্যই ৷

লগতে পঢ়ক : চতিয়াত মুখ্যমন্ত্ৰীয়ে উদ্বোধন কৰিলে তিনিটাকৈ পানী যোগান আঁচনি