Japanese Encephalitis in Assam: জাপানীজ এনকেফ্লাইটিছত আক্ৰান্ত তেজপুৰৰ প্ৰথমগৰাকী ৰোগীৰ মৃত্যু

ৰাজ্যৰ ভিন্ন প্ৰান্তত জাপানীজ এনকেফ্লাইটিছ ৰোগে ব্যাপক ৰূপ লৈছে ৷ জাপানীজ এনকেফ্লাইটিছ ৰোগত আক্ৰান্ত হৈ শোণিতপুৰ জিলাত শনিবাৰে প্ৰথমগৰাকী ৰোগীৰ মৃত্যু(First case of Japanese encephalitis in Tezpur has died) ৷

তেজপুৰ, 9 জুলাই :বানে ৰাজ্যখনক জুৰুলা কৰাৰ পাছত এইবাৰ ভূতৰ ওপৰত দানহ পৰাদি প্ৰাদুৰ্ভাব ঘটিছে জাপানীজ এনকেফেলাইটিছৰ (Japanese encephalitis is caused panic in Assam)। ৰাজ্যৰ ভিন্ন প্ৰান্তত জাপানীজ এনকেফ্লাইটিছ ৰোগে ব্যাপক ৰূপ লৈছে ৷ কেইবাখনো জিলাত এই ৰোগ ধৰা পৰাৰ লগতে বৰ্তমান বহু ৰোগী চিকিৎসাধীন হৈ আছে বিভিন্ন চিকিৎসালয়ত ৷

জাপানীজ এনকেফ্লাইটিছ ৰোগত আক্ৰান্ত হৈ শোণিতপুৰ জিলাত শনিবাৰে প্ৰথমগৰাকী ৰোগীৰ মৃত্যু হয় (First case of Japanese encephalitis in Tezpur has died) ৷ যোৱা ৭ জুলাইত শোণিতপুৰ জিলাৰ চাৰিদুৱাৰৰ মুন্নী দেৱী (45) নামৰ মহিলাগৰাকীক তেজপুৰ চিকিৎসা মহাবিদ্যালয় হাস্পতালত ভৰ্তি কৰোৱা হৈছিল ৷ ভৰ্তি কৰোৱাৰ দুদিনৰ পিছতেই আজি পুৱা মহিলাগৰাকী মৃত্যুৰ মুখত পৰে ৷

ইফালে শোণিতপুৰৰ কাষৰীয়া ওৰাং অঞ্চলত জাপানীজ এনকেফ্লাইটিছত আক্ৰান্ত হৈ এটি 5 বছৰীয়া শিশুৰ মৃত্যু হয় ৷ আনহাতে তেজপুৰ চিকিৎসা মহাবিদ্যালয়খনত শুকুৰবাৰে দুটি শিশুৰ দেহত জাপানীজ এনকেফ্লাইটিছৰ অৱস্থিতি ধৰা পৰিছে ৷

ইয়াৰ সমান্তৰালকে গুৱাহাটীৰ নিকটৱৰ্তী পানীখাইটি অঞ্চলত ধৰা পৰিছে মাৰাত্মক জাপানীচ এনকেফেলাইটিছ ৰোগী (Japanese encephalitis reported in Guwahati)৷ এই ৰোগত আক্ৰান্ত হৈছে এজন কিশোৰ । আক্ৰান্ত কিশোৰগৰাকী হৈছে সন্তোষ কুমাৰ মাহতু । জানিব পৰা মতে যোৱা ২ জুলাইৰ পৰা সাধাৰণ জ্বৰত আক্ৰান্ত হৈ আছিল কিশোৰগৰাকী । পিছত গুৱাহাটী চিকিৎসা মহাবিদ্যালয় হস্পিতালত ভৰ্তি কৰাত কিশোৰজন জাপানী এনকেফেলাইটিছ ৰোগত আক্ৰান্ত হোৱাটো ধৰা পৰে ।

উল্লেখ্য যে, ৰাষ্ট্ৰীয় স্বাস্থ্য অভিযান, অসমে প্ৰকাশ কৰা তথ্য অনুসৰি বিগত এপ্ৰিলৰ পৰা 7 জুলাই পর্যন্ত অসমত ৪৮ গৰাকী লোক জাপানীজ এনকেফেলাইটিছত আক্ৰান্ত হৈছে (Japanese encephalitis data Assam) ৷ ইয়াৰে 6 জনৰ মৃত্যু হৈছে ।

লগতে পঢ়ক :JE reported in Guwahati: এইবাৰ গুৱাহাটীত জাপানীচ এনকেফেলাইটিছৰ প্ৰাদুৰ্ভাৱ