তেজপুৰ বিশ্ববিদ্যালয়ৰ অতিথিশালাত অগ্নিকাণ্ড

তেজপুৰ কেন্দ্ৰীয় বিশ্ববিদ্যালয়ৰ অতিথিশালত অগ্নিকাণ্ডৰ ঘটনা ৷ শ্বৰ্ট চাৰ্কিটৰ ফলত এই অগ্নিকাণ্ডৰ সুত্ৰপাত হোৱাৰ সন্দেহ ৷ অগ্নিনিৰ্বাপক বাহিনীৰ তৎপৰতাত জুই নিৰ্বাপন ৷

তেজপুৰ, ৫ জুন : তেজপুৰ কেন্দ্ৰীয় বিশ্ববিদ্যালয়ৰ অতিথিশালৰ সন্মুখৰ ভাগত শনিবাৰে সংঘটিত হয় অগ্নিকাণ্ড । অতিথিশালাৰ পৰা ধোঁৱা নির্গত হোৱাত সৃষ্টি হয় হুলস্থুলীয়া পৰিৱেশৰ । এই অগ্নিকাণ্ডৰ ঘটনাৰ পাছতে খবৰ দিয়া হয় অগ্নিনিৰ্বাপক বাহিনীক ৷

পৰৱৰ্তী সময়ত অগ্নিনিৰ্বাপক বাহিনী ঘটনাস্থলীত উপস্থিত জুই নিৰ্বাপন কৰে ৷ এই ঘটনাত কোনো লোক হতাহত হোৱা নাই তথা কোনো ধৰণৰ ক্ষয় ক্ষতি হোৱা নাই বুলি জানিব দিয়ে বিশ্ববিদ্যালয়ৰ কৰ্তৃপক্ষই । শ্বৰ্ট চাৰ্কিটৰ ফলত এই অগ্নিকাণ্ডৰ ঘটনা সংঘটিত হোৱা বুলি জানিব পৰা গৈছে ৷

লগতে পঢ়ক: প্ৰকৃতিৰ নামত জীৱন উচৰ্গিত এগৰাকী বিশেষ ব্যক্তি