তেজপুৰ, ১২ ছেপ্টেম্বৰ :অসমত পোন প্ৰথমবাৰৰ বাবে ড্ৰোণযোগে পৰীক্ষামূলকভাৱে মঙলবাৰে কৃষি পথাৰত সাৰ আৰু কীটনাশক দ্ৰব্য প্ৰয়োগ কৰা হয় (Fertilizers and pesticides applied to agriculture by drones) ৷ শোণিতপুৰ জিলা কৃষি বিভাগৰ উদ্যোগত বিন্দুকুৰি কৃষি চক্ৰৰ অন্তৰ্গত পক্ষীয়াঝাৰ গাঁৱত কৃষি বিভাগৰ তৰফৰ পৰা ৰূপায়ণ কৰা হয় এই কাৰ্যসূচী ৷ অসমত পৰীক্ষামূলকভাৱে প্ৰয়োগ কৰা এই পদ্ধতিৰ আনুষ্ঠানিকভাৱে শুভাৰম্ভ কৰে শোণিতপুৰ জিলাৰ উপায়ুক্ত দেৱ কুমাৰ মিশ্ৰই ।
অসম কৃষি বাণিজ্য আৰু গ্ৰাম্য ৰূপান্তকৰণ প্ৰকল্প চমুকৈ APART, কেন্দ্ৰীয় চৰকাৰৰ অধীনস্থ উত্তৰ পূৱ আঞ্চলিক কৃষি যন্ত্ৰ প্ৰশিক্ষণ আৰু পৰীক্ষণ প্ৰতিষ্ঠান, IFFCO আৰু BCS ৰ উদ্যোগত আৰু শোণিতপুৰ জিলা প্ৰশাসন, জিলা কৃষি বিভাগ, ICCOA আৰু বিন্দুকুৰিৰ মজিয়া কৃষি উৎপাদক গোটৰ সহযোগত আয়োজিত কৰা হয় এই অনুষ্ঠানৰ ৷
ড্ৰোণযোগে অসমৰ খেতি পথাৰত প্ৰয়োগ সাৰ আৰু কীটনাশক দ্ৰব্য লগতে পঢ়ক :তেজপুৰত ড্ৰোণযোগে কৃষিক্ষেত্ৰত প্ৰয়োগ কৰা হ’ব সাৰ আৰু কীটনাশক
এই অনুষ্ঠানত উপস্থিত থাকে জিলা উপায়ুক্ত দেৱ কুমাৰ মিশ্ৰ, উত্তৰ-পূৱ আঞ্চলিক কৃষি যন্ত্ৰ প্ৰশিক্ষণ আৰু পৰীক্ষণ প্ৰতিষ্ঠানৰ সঞ্চালক ড৹ পি পি ৰাও, জিলা উন্নয়ন আয়ুক্ত উৎপল বৰা, IFFCO ৰ উপ মহা প্ৰৱন্ধক বেদ পাল ৷ লগতে উপস্থিত থাকে Beyer Company ৰ খাদ্য শৃংখল প্ৰৱন্ধক নন্দিনী মণ্ডল, জিলা কৃষি বিষয়া পংকজ শইকীয়া, ICCOA ৰ জিলা বিষয়া কিশোৰ বৰুৱা, কৃষি বিজ্ঞান কেন্দ্ৰৰ মুৰব্বী অংগনা শৰ্মা, মহকুমা কৃষি বিষয়া (উদ্যান শস্য) প্ৰাঞ্জল শৰ্মা, জ্যেষ্ঠ কৃষি উন্নয়ন বিষয়া ড৹ খনীন্দ্ৰ বৰ্মন, প্ৰণৱ বৰা আৰু বহু বিশিষ্ট ব্যক্তি ।
ড্ৰোণযোগে অসমৰ খেতি পথাৰত প্ৰয়োগ সাৰ আৰু কীটনাশক দ্ৰব্য ড্ৰোণৰ যোগেদি কৃষি পথাৰত পৰীক্ষামূলকভাৱে নেন’ ইউৰিয়া প্ৰয়োগৰ পাচতে কৃষকসকলক এই পদ্ধতিৰ বিষয়ে প্ৰদান কৰা হয় এক প্ৰশিক্ষণো । উল্লেখযোগ্য যে, ১০ লিটাৰ নেন’ ইউৰিয়া কঢ়িয়াই লৈ যাব পৰা ড্ৰোণখনে ৬ পৰা ৮ মিনিটৰ ভিতৰত তিনি বিঘা কৃষি পথাৰত নেন’ ইউৰিয়া প্ৰয়োগ কৰিব পৰা ক্ষমতা আছে ।
উত্তৰ-পূৱ আঞ্চলিক কৃষি যন্ত্ৰ প্ৰশিক্ষণ আৰু পৰীক্ষণ প্ৰতিষ্ঠানৰ সঞ্চালক ড৹ পি পি ৰাৱে সদৰী কৰা অনুসৰি, এই অত্যাধুনিক ড্ৰোণখন ২০২৩ বৰ্ষৰ জানুৱাৰী মাহৰ পৰা উপলব্ধ হোৱাৰ লগতে কৃষি বিজ্ঞান কেন্দ্ৰসমূহে এই ড্ৰোণখন বিনামূলীয়াকৈ আৰু কৃষি উৎপাদক গোটসমূহে ৮০ % ৰেহাই মূল্যত লাভ কৰিব ।
লগতে পঢ়ক :কাৰ ভুলৰ বাবে ধোঁৱাচাঙত খোৱাঙৰ স্বচ্ছ ভাৰত আঁচনি ?
