জামুগুৰিহাটত অবৈধ বাসগৃহত প্ৰশাসনৰ হাতোৰা

জামুগুৰিহাটত অবৈধ বাসগৃহত উচ্ছেদ অভিযান চলালে জিলা প্ৰশাসনে ৷ উচ্ছেদিত লোকসকলৰ অধিকাংশৰে ভোটাৰ তালিকাত নাম নথকাৰ অভিযোগ ৷

চতিয়া , 5 ডিচেম্বৰঃ সমগ্ৰ ৰাজ্যত কেব বিৰোধী আন্দোলনে তীব্ৰ ৰূপ ধাৰণ কৰি থকা অৱস্থাতে চতিয়া বিধানসভা সমষ্টিৰ অন্তৰ্গত জামুগুৰিহাটৰ চৰ-চাপৰি অঞ্চলত বসবাস কৰা সন্দেহজনক লোক সকলৰ ঘৰত বৃহস্পতিবাৰে উচ্ছেদ অভিযান চলায় শোণিতপুৰ জিলা প্ৰশাসনে ৷ জিলাখনৰ জামুগুৰিহাটৰ লালেটাপু, দীঘলীচাপৰি, চকীঘাট আদি অঞ্চলত চলে এই উচ্ছেদ অভিযান ৷ উল্লেখযোগ্য যে, দীৰ্ঘদিন ধৰি অবৈধভাৱে বাস কৰা এই সকল লোকৰ অধিকাংশৰ বিৰুদ্ধে ভোটাৰ তালিকাত নাম নথকাৰ অভিযোগ ৷ উচ্ছেদ অভিযানৰ বাবে বৃহস্পতিবাৰে পুৱাৰ ভাগতেই আৰক্ষী আৰু অৰ্ধসামৰিক বাহিনীৰ এক বৃহৎ দল লৈ জিলা প্ৰশাসনে উক্ত অঞ্চলসমূহত উপস্থিত হোৱাৰ পাছত জেচিবি আৰু হাতীৰ সহায়ত উচ্ছেদ অভিযান চলায় ৷ বিশখন জেচিবিৰ সহায়ত চলোৱা এই উচ্ছেদ অভিযান বৃহস্পতিবাৰে আবেলিলৈকে অব্যাহত আছে ৷

লগতে পঢ়কঃজে.জয়াললিতাঃ সৰল জয়াৰ পৰা 'দ্য আইৰণ লেডী' হোৱাৰ যাত্ৰা