ৰঙাপৰা,২১ জুলাই: ৰঙাপৰাত বনৰীয়া হাতীৰ উপদ্ৰৱ বৃদ্ধি পাইছে (Elephant terror in Rangapara)। বনৰীয়া হাতীয়ে ভাঙিলে ২ নং যোগীবিল প্ৰাথমিক বিদ্যালয়ৰ ৰান্ধনী গৃহ । তদুপৰি হাতীয়ে ভক্ষণ কৰে মধ্যাহ্ন ভোজনৰ চাউল । উল্লেখ্য় যে খাদ্যৰ সন্ধানত বনাঞ্চলৰ ভিতৰৰ পৰা ওলাই অহা চাৰিটা বনৰীয়া হাতীয়ে ৰঙাপৰা অঞ্চলত একাংশ ৰাইজৰ ঘৰ-দুৱাৰ ভাঙি বিস্তৰ ক্ষতি সাধন কৰি অহাৰ সময়ত নিশা বনৰীয়া হাতীয়ে ভাঙিলে এখন বিদ্যালয়ৰ ৰান্ধনীগৃহ । শোণিতপুৰ জিলাৰ ৰঙাপৰাত ক্ৰমান্বয়ে বৃদ্ধি পায় আহিছে বনৰীয়া হাতীৰ উপদ্ৰৱ ।
Elephant terror in Rangapara: ৰঙাপৰাত বনৰীয়া হাতীৰ উপদ্ৰৱ ৰঙাপৰাৰ টেঙাবিল গাঁৱত থকা ২ নং যোগীবিল প্ৰাথমিক বিদ্যালয়ৰ ৰান্ধনী গৃহটোৰ পকীবেৰ ভাঙি ছাত্র-ছাত্ৰীসকলৰ বাবে মজুত কৰি ৰখা মধ্যাহ্ন ভোজনৰ চাউল ভক্ষণ কৰে । তাৰ পিছত বনৰীয়া হাতীয়ে ২-৩ টা চাউলৰ বস্তা দঙি লৈ আঁতৰি যায় । উল্লেখ্য যে ৰঙাপৰাৰ টেঙাবিল অঞ্চলত প্ৰায়েই নিশাৰ ভাগত বনৰীয়া হাতীয়ে উপদ্ৰৱ চলায় । ইফালে,পুনৰ বনৰীয়া হাতীয়ে মধ্যাহ্ন ভোজনৰ চাউল ভক্ষণ কৰাৰ আশংকা প্ৰকাশ কৰি বিদ্যালয়খনৰ একমাত্ৰ শিক্ষয়িত্ৰী ৰিজু বৰা মুছাহাৰীয়ে আলোচনা সাপেক্ষে ছাত্র-ছাত্ৰীসকলৰ মাজত মজুত থকা চাউলখিনি বিতৰণ কৰে ।
লগতে পঢ়ক:Midday Meal workers protest: দৰমহা বৃদ্ধিৰ দাবীৰে চচলত মধ্যাহ্ন ভোজনৰ কর্মচাৰীৰ প্ৰতিবাদ
