তেজপুৰ, 11 ডিচেম্বৰ :অৰুণাচল প্ৰদেশৰ চাংলাং জিলাত পঞ্চায়ত নিৰ্বাচনৰ কেন্দ্ৰ কৰি ভয়ংকৰ ঘটনাৰ সৃষ্টি হৈছে । অতিৰিক্ত জিলা উপায়ুক্ত, ডাক ঘৰ, ষ্টেট বেংকৰ কাৰ্যালয় ভাঙি চূৰমাৰ কৰাৰ লগতে অগ্নি সংযোগ কৰে বুলি জানিব পৰা গৈছে ।
প্ৰায় 400 প্ৰতিবাদকাৰীয়ে হাতে হাতে লাঠী, ধনু কাঁড়, দা আদি লৈ প্ৰাক্তন অসম ৰাইফলছৰ লোকক পঞ্চায়তৰ আওতাত অনাক লৈ প্ৰতিবাদ সাব্যস্ত কৰে ।
প্ৰতিবাদ ইমানেই ভয়ংকৰ হয় যে, বিজয়নগৰ আৰক্ষী থানা আৰু বিমান বন্দৰৰ কিছু পৰিমানে ধ্বংস কৰে বুলিও সূত্ৰৰ পৰা জানিব পৰা গৈছে । ইতিমধ্যে, অতিৰিক্ত আৰক্ষী বিষয়া, অৰুণাচল প্ৰদেশৰ আৰক্ষী মহা পৰিদৰ্শক চুকো আপা আৰু আৰক্ষী উপ মহা পৰিদৰ্শকৰ লগত বিজয়নগৰ হেলিপেদত হেলিকপ্টাৰ যোগে উপস্থিত হয় ।
ঘটনা সম্পৰ্কে অৰুণাচল প্ৰদেশৰ আৰক্ষী সঞ্চালক প্ৰধানৰ লগত যোগাযোগ কৰাত ঘটনা সন্দৰ্ভত বিতং ভাৱে জনোৱাৰ পৰা বিৰত থাকে । আনহাতে, অৰুণাচল প্ৰদেশৰ মুখ্যমন্ত্ৰী কাৰ্যালয়ৰ তৰফৰ পৰা কোনো তথ্য দিয়া নাই ।
লগতে পঢ়ক :টীয়ক আৰক্ষীৰ জালত পৰিল এটা গভাইত চোৰ
