তেজপুৰ আৰক্ষীৰ জালত ড্ৰাগছ সৰবৰাহকাৰী

তেজপুৰত ড্ৰাগছ সৰবৰাহকাৰীৰ বিৰুদ্ধে আৰক্ষীৰ অভিযান ৷ এক গোপন সূত্ৰৰ পম খেদি দুজন ড্ৰাগছ আসক্তৰ জৰিয়তে নজৰুল ইছলাম নামৰ সৰবৰাহকাৰীক গ্ৰেপ্তাৰ কৰিবলৈ সক্ষম হৈছে আৰক্ষী ৷

তেজপুৰ, ১২ জুন: সমগ্ৰ ৰাজ্যৰ পাচতে এইবাৰ শোণিতপুৰত ড্ৰাগছৰ বিৰুদ্ধে সৰৱ হৈ পৰিছে আৰক্ষী ৷ তেজপুৰৰ সদৰ আৰক্ষী থানাৰ অন্তৰ্গত শালনিবাৰী আৰক্ষী চকীৰ সমীপৰ পৰা শনিবাৰে আৰক্ষীয়ে এজন ড্ৰাগছ সৰবৰাহকাৰী তথা দুজন ড্ৰাগছ আসক্ত যুৱকক আটক কৰিবলৈ সক্ষম হৈছে ৷ আটকাধীন ড্ৰাগছ ব্যৱসায়ীটো নজৰুল ইছলাম আৰু ড্ৰাগছআসক্ত যুৱকদ্বয় ক্ৰমে মণি শেনচোৱা আৰু দ্বীপজ্যোতি বৰুৱা বুলি জানিব পৰা গৈছে ৷

আৰক্ষীয়ে এক গোপন সূত্ৰৰ পম খেদি এই দুজন ড্ৰাগছ আসক্তৰ জৰিয়তে নজৰুল ইছলাম নামৰ সৰবৰাহকাৰীক গ্ৰেপ্তাৰ কৰিবলৈ সক্ষম হয় ৷ ইতিমধ্যে শোণিতপুৰ জিলাৰ আৰক্ষীয়ে ড্ৰাগছৰ বিৰুদ্ধে অভিযান তীব্ৰতৰ কৰি তুলিছে ৷

লগতে পঢ়ক: যৌতুকৰ বাবে নিৰ্যাতনৰ বলি দুটি সন্তানৰ মাতৃ