তেজপুৰ, ২৯ মে': কৰ'ণা ভাইৰাছৰ সংক্ৰমণৰ ফলত বিগত বৰ্ষত সমগ্ৰ দেশৰ লক ডাউনৰ বাবে বিমানবন্দৰ সমূহ বন্ধ হৈ পৰিছিল আৰু শেহতীয়া কৈ ২০২০ চনৰ মে' মাহৰ ২৫ তাৰিখৰ পৰা বিমান চলাচল আৰম্ভ হয় । যদিও তেজপুৰ চহৰৰ পৰা কলকাতা আৰু দিল্লীৰ বাবে পোনপটীয়া বিমানৰ ব্যৱস্থা নাই; ফলস্বৰূপে তেজপুৰ অৰুণাচল প্ৰদেশৰ যাত্ৰী সকল গুৱাহাটীৰ গোপীনাথ বৰদলৈ আন্তঃৰাষ্ট্ৰীয় বিমানবন্দৰ লৈ যাবলগীয়া হয় ।
তেজপুৰ বিমানবন্দৰ সেনাবাহিনী বায়ু সেনা ঘাটিৰ অন্তৰ্গত আৰু ইয়াৰ ৰাণৱে বায়ুসেনাৰ লগত সংলগ্ন । তেজপুৰ বিমানবন্দৰত আৰম্ভণিৰে পৰা দুখন বিমান চলাচল কৰিছিল ৷ পৰৱৰ্তী সময়ত এয়াৰ ইণ্ডিয়াৰ এটিআৰ বিমানৰ চলাচল কৰে আৰু বৰ্তমানেও চলি আছে ।
তেজপুৰ শালনিবাৰী বিমানবন্দৰত ঘৰুৱা বিমানৰ সংখ্যা বৃদ্ধিৰ সম্ভাৱনা আনহাতে, দেশত যেতিয়া উৰান অভিযানৰ জৰিয়তে বিমানবন্দৰ সমূহৰ যোগাযোগৰ ব্যৱস্থা কৰে, সেই সময়ত তেজপুৰ বিমানবন্দৰত ঝুম এয়াৰ লাইনছ জৰিয়তে যাত্ৰীবাহী বিমান চলাচল কৰিছিল ৷
কিন্তু ২০১৯ চনৰ শেষৰফালে এই অভিযানৰ অন্তৰ্ভুক্ত বিমান ঝুম এয়াৰ লাইনৰ বিমানে তেওঁলোকৰ সময়ৰ পূৰ্বেই বিমান বন্ধ কৰি দিয়ে । ইয়াৰোপৰি বন্ধ হৈ পৰে এয়াৰ ইণ্ডিয়াৰ এটিআৰ বিমানো । উল্লেখ্য যে, বৰ্তমান এয়াৰ এছিয়া, আৰু বহুকেইখন ব্যক্তিগত বিমান কোম্পানীৰ পৰা বিমান চলাচল কৰিবৰ বাবে যোগাযোগ কৰি আছে বুলিও জানিবলৈ দিয়ে সিঙে ।
বৰ্তমান এয়াৰ ইণ্ডিয়াৰ বিমান কলকাতাৰ পৰা গুৱাহাটীহৈ অৰুণাচল প্ৰদেশৰ পাছিঘাট হৈ তেজপুৰ বিমানবন্দৰ প্ৰৱেশ কৰে আৰু ইয়াৰ ফলত যাত্ৰীৰ ৩ ঘন্টা অতিৰিক্ত সময় নষ্ট হয় । পূৰ্বে কলকাতাৰ পৰা পোনপটীয়াকৈ বিমান চলাচলৰ ব্যৱস্থা আছিল । অক্টোবৰ মাহত তেজপুৰলৈ নতুন ব্যক্তিগত প্ৰতিষ্ঠানৰ বিমান সংযোজন হোৱাৰ সম্ভাৱনা আছে বুলি জানিব দিয়ে প্ৰাধিকাৰী সিঙে ।
লগতে পঢ়ক: নগাঁৱক ড্ৰাগছমুক্ত কৰিবলৈ যিকোনো পন্থা অৱলম্বন কৰিব আনন্দ মিশ্ৰই
