তেজপুৰ,১১ জানুৱাৰীঃ শোণিতপুৰ জিলাত শনিবাৰৰ পৰা দুদিনীয়াকৈ আৰম্ভ হৈছে কৃষি মেলা ৷ কৃষি বিপ্লৱৰ সূচনাৰে জিলা প্ৰশাসনে মুকলি কৰে মেলাখন ৷ মেলাখন অনুষ্ঠিত হৈছে তেজপুৰৰ নেহৰু মৈদানত ৷ জিলাখনৰ গ্ৰাম্যপ্ৰধান অঞ্চলৰ খেতিয়কসকলক উৎপাদিত সামগ্ৰীৰ বজাৰ মুকলিৰ উদ্দেশ্যে মেলাখনৰ আয়োজন কৰে তেজপুৰৰ কৃষি বিভাগে ৷
জিলা উপায়ুক্ত মানৱেন্দ্ৰ প্ৰতাপ সিঙৰ পৌৰহিত্যত অনুষ্ঠিত মেলাখনৰ উদ্বোধনী ভাষণত উন্নতমানৰ প্ৰযুক্তিৰ সহায়ত জিলাখনৰ খেতিয়কে যাতে নিজৰ উৎপাদন আগবঢ়াই নিব পাৰে তাকে উদ্দেশ্য কৰি কৃষি মেলাখন মুকলি কৰা হৈছে বুলি উল্লেখ কৰে ৷ লগতে জিলা প্ৰশাসনে মোকোলাই দিয়া কে চি চিৰ আৰ্থিক বেংক সাহায্যৰ জৰিয়তে কৃষকে কৃষিকৰ্মত নিয়োজিত হোৱা বুলি সিঙে প্ৰকাশ কৰে ৷ প্ৰাক্তন অগপ নেতা বৃন্দাবন গোস্বামীয়ো মেলাখনৰ উদ্বোধনী অনুষ্ঠানত উপস্থিত থাকে ৷