ঢেকীয়াজুলিত 25 দিন ধৰি নিখোজ কিশোৰঃ মাতৃৰ কৰুণ বিননি

বিগত 25 দিন ধৰি নিখোজ গড়মৰা বঙালি গাঁৱৰ নিবাসী মহম্মদ আশাদুল ৷ পুত্ৰৰ ফটো চাই চকুলো টুকিছে মাতৃয়ে ৷ কিশোৰটিৰ সন্ধান উলিওৱাত ব্যৰ্থ আৰক্ষী ৷

ঢেকিয়াজুলি, 25 এপ্ৰিলঃ বিগত 25 দিন ধৰি নিখোজ হৈ আছে ঢেকিয়াজুলিৰ এজন 16 বছৰীয়া কিশোৰ ৷ নিৰুদ্দিষ্ট কিশোৰজন শোণিতপুৰ জিলাৰ ঢেকীয়াজুলি আৰক্ষী থানাৰ অন্তৰ্গত গড়মৰা বঙালি গাঁৱৰ নিবাসী মহম্মদ আশাদুল ৷

ঘটনাৰ বিৱৰণী অনুসৰি আব্দুল ৰছিদৰ পুত্ৰ মহম্মদ আশাদুল 31 মাৰ্চত পুৱা ঘৰৰ ওচৰতে থকা বজাৰলৈ বুলি ওলাই যোৱাৰ পিচতেই সন্ধানহীন হয় ৷ ইয়াৰ পাচতেই পৰিয়ালৰ লোকে বহু বিচাৰ খোচাৰ কৰিও সন্ধান নাপাই অষ্টম শ্ৰেণীৰ ছাত্ৰ মহম্মদ আশাদুলক ৷ ইতিমধ্যে ঘটনা সংক্ৰান্তত পৰিয়ালৰ লোকে ঢেকীয়াজুলি আৰক্ষী থানাত এখন এজাহাৰ দাখিল কৰিছে ৷ কোনো ব্যক্তিয়ে যদি আশাদুলৰ সন্ধান পাই তেন্তে 9101945944 নম্বৰত আশাদুলৰ পৰিয়ালৰ স'তে যোগাযোগ কৰিবলৈ অনুৰোধ জনায় আশাদুলৰ পিতৃয়ে ৷