তেজপুৰ,২৪ জুন :গুৱাহাটীৰ পিছতে শোণিতপুৰ জিলাত ক্ৰমান্বয়ে বৃদ্ধি পাইছে মহামাৰী কৰ'ণা ভাইৰাছৰ সংক্ৰমণ। কুৱাৰেণ্টাইন কেন্দ্র সমূহৰ পিছত এইবাৰ আবাসিক এলেকাত বৃদ্ধি হৈছে কোভিড-১৯ৰ পজিটিভ ৰোগীৰ সংখ্যা । এই পৰ্যন্ত ১৯১জনলৈ বৃদ্ধি কৰ'ণাত আক্ৰান্তৰ সংখ্যা ।
উল্লেখযোগ্য যে নতুনকৈ তেজপুৰ মেডিকেল কলেজ হাস্পতালৰ পেথলজি বিভাগৰ এগৰাকী চিকিৎসক ডঃ অমৃত শৰ্মাৰ কোভিড পজিটিভ ওলোৱাৰ পিছত শোণিতপুৰ জিলাৰ প্ৰাক্তন যুটীয়া স্বাস্থ্য সঞ্চালক ডঃ অতুল চন্দ্ৰ শইকীয়াও আক্রান্ত হয় । ইয়াৰ পূৰ্বে ডঃ শইকীয়াৰ কন্যা যোৱা ১৮ জুনত ঘৰত আছুতীয়াকৈ থকাৰ পিছত আক্ৰান্ত কৰ'ণাত হৈছিল । আনহাতে ডঃ শইকীয়াৰ তেজপুৰ মহাভৈৰৱ এলেকাৰ ঘৰৰ চৌহদত ভাড়া থকা অংশুমান বৰঠাকুৰ (৩৯)আৰু ৰূপম শইকীয়া(৩০) কৰ'ণাত আক্রান্ত হয় । শোণিতপুৰ জিলাত ১৩ টা জ'নত জিলা প্ৰশাসনে নিষিদ্ধ এলেকা হিচাপে ঘোষণা কৰিছে।
লগতে চাওকঃ আন্তঃৰাষ্ট্ৰীয় বজাৰত মূল্য হ্ৰাসৰ পিচতো ভাৰতত পেট্ৰ'ল-ডিজেলৰ ব্যাপক মূল্যবৃদ্ধি