কাৰাবন্দী নেতাসকলৰ মুক্তিৰ দাবীৰে চি পি আই (এম)ৰ প্ৰতিবাদ

শনিবাৰে প্ৰতিকূল বতৰকো নেওচি অখিল গগৈসহ কাৰাবন্দী হৈ থকা তেওঁৰ সতীৰ্থ নেতা সকলৰ মুক্তিৰ দাবীৰে ৰঙাপৰাত প্ৰতিবাদ সাব্যস্ত কৰিলে চি পি আই (এম) দলে ৷

ৰঙাপৰা, 11 জুলাইঃ প্ৰতিকূল বতৰকো নেওচি ৰঙপৰাত শনিবাৰে প্ৰতিবাদ সাব্যস্ত কৰে চি পি আই (এম) দলে ৷ অখিল গগৈসহ কাৰাবন্দী হৈ থকা তেওঁৰ সতীৰ্থ নেতা সকলৰ মুক্তিৰ দাবীৰে ৰাজপথলৈ ওলাই আহে প্ৰতিবাদকাৰী সকল ৷ চৰকাৰে হিংসাত্মকভাৱে আটাইকেইগৰাকী প্ৰতিবাদী কণ্ঠক কাৰাগাৰত আবদ্ধ কৰি ৰাখিছে বুলি উল্লেখ কৰে প্ৰতিবাদকাৰী সকলে ৷

বৰ্তমান তেওঁলোকৰ স্বাস্থ্যৰ অৱনতি ঘটাৰ কথা ভিন্ন মাধ্যমযোগে প্ৰচাৰ হৈ আহিছে ৷ তথাপিও চৰকাৰে এনে অৱস্থাত গণতন্ত্ৰক চাপ প্ৰদান কৰি আহিছে বুলি মন্তব্য কৰে প্ৰতিবাদকাৰী সকলে ৷ চৰকাৰৰ বিৰুদ্ধে প্ৰতিবাদ কৰা কণ্ঠ তেওঁলোকে ৰোধ কৰিব বিচাৰিছে ৷ যাৰ বাবে কৃষক নেতা অখিল গগৈ সহিতে বহু নেতাক আজি কাৰাগাৰত আবদ্ধ কৰি ৰাখিছে বুলি কয় প্ৰতিবাদকাৰী সকলে ৷ প্ৰতিবাদকাৰী সকলে কাৰাবন্দী নেতাসকলৰ স্বাস্থ্য পৰীক্ষা কৰোৱাৰ লগতে অতি শীঘ্ৰেই তেওঁলোকৰ মুক্তিৰ বাবে দাবী জনায় ৷ লগতে গণতন্ত্ৰৰ নিধন যজ্ঞৰ পৰা চৰকাৰ আঁতৰি থাকক বুলি সকীয়াই দিয়ে প্ৰতিবাদ কৰে দলটোৱে ৷

লগতে পঢ়কঃৰঙাপৰাত একাধিক দল-সংগঠনৰ চৰকাৰ বিৰোধী প্ৰতিবাদ