তেজপুৰ, 22 মে’:শোণিতপুৰ জিলাৰ সদৰ তেজপুৰৰ ঐতিহাসিক গণেশ মন্দিৰলৈ অশনি সংকেত কঢ়িয়াই আনিছে বুঢ়া লুইতে । জেঠ মাহৰ আৰম্ভণিতে বুঢ়া লুইতৰ এই খহনীয়াই ভাবুকিৰ সৃষ্টি কৰিছে তেজপুৰ চহৰৰ প্ৰতিও ।
ইফালে কেন্দ্ৰীয় জল আয়োগেও এই পৰ্যন্ত গ্ৰহণ কৰা নাই কোনো ধৰণৰ ব্যৱস্থা । কাণ সাৰ নাই জল সম্পদ বিভাগৰ লগতে শোণিতপুৰ জিলা প্ৰশাসনৰো । গণেশ ঘাটৰ সমান্তৰালভাৱে তেজপুৰ আৱৰ্ত ভৱনৰ সমীপত থকা জাহাজ ঘাটত এই খহনীয়াই বিগত বৰ্ষতো লৈছিল কালৰূপ । সামান্য কেইটামান বস্তা আৰু বাঁহেৰে ভেটা মাৰি দায়িত্ব সামৰিছিল বিভাগীয় কৰ্তৃপক্ষই ।
তেজপুৰ ঐইতিহাসিক গণেশ মন্দিৰলৈ অশনি সংকেত বুঢ়া লুইতৰ
ব্ৰহ্মপুত্ৰ নদীৰ কাষতে থকা এই গণেশ ঘাটৰ কেন্দ্ৰীয় জল আয়োগ আৰু জল সম্পদ বিভাগে নিতৌ বাৰিষা কালত ব্ৰহ্মপুত্ৰৰ বাঢ়নী পানীৰ জোখ লয় যদিও নদীৰ এই ভয়ানক খহনীয়াৰ প্ৰতি নাই কোনো ভ্ৰূক্ষেপ । হয়তো নিশাৰ ভিতৰত নিঃশ্চিন্ন হৈ যাব পাৰে বাকী থকা অৱশিষ্ট অংশও ।