মিছামাৰী নবিল পথাৰত অনুষ্ঠিত মুকলি বিহু প্ৰতিযোগিতাৰ সামৰণী

নবিল পথাৰ সমন্বয় ক্ষেত্ৰত অনুষ্ঠিত হোৱা বৰ বিহুৱতী প্ৰতিযোগিতাত ব্ৰহ্মপুত্ৰ বিহুৱা দলৰ প্ৰত্যাশী মহন্তই শ্ৰেষ্ঠা বিহুৱতীৰ সন্মান লাভ কৰে ৷

ৰঙাপৰা , 21 এপ্ৰিলঃশনিবাৰে শোণিতপুৰৰ মিছামাৰী নবিল পথাৰ ৰঙালী বিহু সন্মিলনে আয়োজন কৰা মুকলি বিহু প্ৰতিযোগিতাৰ সামৰণী পৰে ৷ নিশা নবিল পথাৰ সমন্বয় ক্ষেত্ৰত অনুষ্ঠিত হোৱা বৰ বিহুৱতী প্ৰতিযোগিতাত ব্ৰহ্মপুত্ৰ বিহুৱা দলৰ প্ৰত্যাশী মহন্তই শ্ৰেষ্ঠা বিহুৱতীৰ সন্মান লাভ কৰিবলৈ সক্ষম হয় ৷

ইয়াৰোপৰিও ষষ্ঠ বাৰ্ষিক মুকলি বিহু প্ৰতিযোগিতাত জখলাবন্ধাৰ ব্ৰহ্মপুত্ৰ বিহুৱা দলে প্ৰথম শ্ৰেষ্ঠ দল হিচাপে বিবেচিত হয় ৷ আনহাতে বোকাখাতৰ গামখাৰু বিহুৱা দলে দ্বিতীয় , জামুগুৰি হাটৰ শিখা বিহুৱা দলে তৃতীয় আৰু ৰৌতাৰ ৰৌতা আঞ্চলিক বিহুৱা দলে চতুৰ্থ শ্ৰেষ্ঠ স্থান লাভ কৰিবলৈ সক্ষম হয় ৷