তেজপুৰ, ২৮ জুলাইঃ সমগ্ৰ দেশৰ লগতে অসমৰ বিভিন্ন প্ৰান্তৰ ছবিগৃহ সমূহ বিগত চাৰিমাহৰো অধিক সময় সমূলি বন্ধ হৈ আছে । দেশৰ লক ডাউনৰ প্ৰভাৱত বাৰুকৈয়ে জুৰুলা হৈ পৰিছে এই উদ্যোগত কৰ্মৰত লোকসকল । কিন্ত কেন্দ্ৰীয় চৰকাৰে শেহতীয়া কৈ আনলক তৃতীয় পৰ্যায়ত এই ছবিগৃহ সমূহ খোলাৰ বাবে আলোচনা চলাই আছে ছবি গৃহৰ স্বত্বাধিকাৰী সকলৰ সৈতে ।
25 শতাংশ দৰ্শনাৰ্থীৰে ছবিগৃহ পুনৰ খোলাৰ সম্ভাৱনা !
কেন্দ্ৰীয় চৰকাৰৰ নিৰ্দেশ মৰ্মে অসম চৰকাৰে মালিক সকলৰ মাজত এক আলোচনা অব্যাহত ৰাখিছে যাতে 25% দৰ্শনাৰ্থী লৈ এই ছবি গৃহ সমূহ দৰ্শনাৰ্থীৰ বাবে মুকলি কৰিব পাৰে ৷ অৱশ্যে মালিকসকলে 40% দৰ্শকেৰে ছবি গৃহ চলোৱাৰ অনুমতি বিচাৰিছে যদিও এই মুহূৰ্তত কোনো সিদ্ধান্তত উপনীত হ'ব পৰা নাই ৷