Child dies after falling water: তেজপুৰৰ শোনাবিলত তিনিটা শিশুৰ সলিল সমাধি

তেজপুৰ শোনাবিলত তিনিটি শিশুৰ সলিল সমাধি (child dies after falling water in Tezpur) ৷ নিহত তিনিওটি শিশু একেটা পৰিয়ালৰে বুলি জানিব পৰা গৈছে ৷

তেজপুৰ, 4 জুন:তেজপুৰত সংঘটিত হৈছে এক শোকাৱহ ঘটনা ৷ তেজপুৰৰ শোনাবিলত তিনিটি শিশুৰ সলিল সমাধি (child dies after falling water in Tezpur) ৷ আৰক্ষীয়ে জনোৱা অনুসৰি, মৃত তিনিওটি শিশুয়ে বিদ্যালয়ৰ পৰা আহি ঘৰৰ পিছফালে থকা পুখুৰীৰ পাৰত একেলগে খেলি আছিল ৷ ঠিক তেনেসময়তে সংঘটিত হয় এই শোকাৱহ ঘটনাটো ৷

শোনাবিলৰ বোকাজান চাহ বাগিচাত সংঘটিত হয় এই ঘটনাটো । নিহত শিশু তিনিটি একেটা পৰিয়ালৰে অনিল দাহাঙ্গা (৬),প্ৰিয়ংকা দাহাঙ্গা (১১) আৰু সুমন দাসঙ্গা (১০) বুলি জানিব পৰা গৈছে ৷

পৰৱৰ্তী সময়ত ঘটনাস্থলীত উপস্থিত হয় আৰক্ষী ৷ আৰক্ষীয়ে তিনিওটি শিশুৰে মৰণোত্তৰ পৰীক্ষাৰ ব্যৱস্থা কৰিছিল যদিও ৰাইজে মাৰণোত্তৰ পৰীক্ষা কৰিবলৈ নিদি সৎকাৰৰ ব্যৱস্থা কৰে ৷ মৃত শিশু তিনিটিৰ মাজত এটা ল’ৰা আৰু বাকী দুজনী ছোৱালী বুলি জানিব পৰা গৈছে ৷ অৱশ্যে এই শোকাৱহ ঘটনাটো কেনেকৈ সংঘটিত হ’বলৈ পালে সেয়া এই পৰ্যন্ত জানিব পৰা হোৱা নাই ৷

লগতে পঢ়ক :Child abuse in Digboi: বন কৰা কিশোৰীক নিৰ্যাতনৰ অভিযোগত এজনক জেল হাজোতলৈ প্ৰেৰণ