আধাৰ কাৰ্ড বনোৱাৰ নামত ধন লোৱা প্ৰৱঞ্চকক আটক

চাৰিদুৱাৰ থানাৰ অন্তৰ্গত বালিপাৰা চাহ বাগিচা আৰু বুঢ়াগাঁও চাহ বাগিচাৰ শ্ৰমিক আৰু অন্যান্য লোকসকলৰ পৰা আধাৰ কাৰ্ড বনোৱাৰ প্ৰলোভন দি ৩০০ৰ পৰা ৪০০ টকাকৈ সংগ্ৰহ কৰি অহা প্ৰৱঞ্চকক গ্ৰেপ্তাৰ

ৰঙাপৰা,9 জুলাইঃ শোণিতপুৰ জিলাৰ লোক্ৰাৰ বালিপৰা চাহ বাগিচাত আধাৰ কাৰ্ড প্ৰস্তুত কৰি দিয়াৰ নামত টকা লোৱা ছাইদূল ইছলাম নামৰ এটা প্ৰৱঞ্চকক আটক কৰে চাৰিদুৱাৰ আৰক্ষীয়ে । উল্লেখযোগ্য যে,দীৰ্ঘদিনৰ ধৰি ছাইদূলে চাৰিদুৱাৰ থানাৰ অন্তৰ্গত বালিপাৰা চাহ বাগিচা আৰু বুঢ়াগাঁও চাহ বাগিচাৰ শ্ৰমিক আৰু অন্যান্য লোকসকলৰ পৰা আধাৰ কাৰ্ড বনোৱাৰ প্ৰলোভন দি ৩০০ৰ পৰা ৪০০ টকাকৈ সংগ্ৰহ কৰি আহিছিল । আজি এনেদৰে বাগিচাখনত টকা সংগ্ৰহ কৰি থকাৰ সময়তে স্থানীয় ৰাইজে আৰক্ষীক খবৰ দিয়ে আৰু ঘটনাস্থলীত আৰক্ষী উপস্থিত হৈ প্ৰৱঞ্চকজনক আটক কৰাৰ লগতে বহুতো আপত্তিজনক ভুৱা নথি পত্ৰ জব্দ কৰে। ইতিমধ্যে ধৃত ছাইদুলক চাৰিদুৱাৰ আৰক্ষীয়ে জেল হাজোতলৈ প্ৰেৰণ কৰিছে ।