চতিয়া, 24 জানুৱাৰী: দেওবাৰে চতিয়া সমষ্টিৰ অন্তৰ্গত উত্তৰ মূঢ়াদল গাওঁ পঞ্চায়তৰ অন্তৰ্গত মংগলবৰীয়াত অনুষ্ঠিত এখন দলীয় সাংগঠনিক সভাত বিধায়ক পদ্ম হাজৰিকাই অংশ গ্ৰহণ কৰে ৷ চতিয়া সমষ্টিৰ টুপীয়াৰপৰা বিধায়ক গৰাকীক শতাধিক বাইকৰে প্ৰায় 10 কিলোমিটাৰ বাইক ৰেলি কৰি যুৱ মৰ্চাৰ সদস্যসকলে আগবঢ়াই লৈ যায় ৷
চতিয়াত বিজেপিৰ সাংগঠনিক সভা
নদুৱাৰ মণ্ডল বিজেপিৰ সভাপতি জয়ন্ত বৰাৰ সভাপতিত্বত অনুষ্ঠিত সাংগঠনিক সভাখনিত উত্তৰ মূঢ়াদল গাঁও পঞ্চায়ত এলেকাৰ শতাধিক লোকে বিভিন্ন ৰাজনৈতিক দল ত্যাগ কৰি বিজেপি দলত যোগদান কৰে ৷ ইয়াৰ লগতে সাংগঠনিক সভাখনতেই শোণিতপুৰ জিলা গোৰ্খা ছাত্ৰ সন্থাৰ প্ৰচাৰ সচিব অঞ্জন শৰ্মা, জিলা কাৰ্যকৰী সদস্য মানস শৰ্মা আৰু গোৰ্খা ছাত্ৰ সন্থাৰ জামুগুৰি আঞ্চলিক সমিতিৰ কাৰ্যকৰী সদস্য স্বৰূপ মিশ্ৰই আনুষ্ঠানিকভাৱে বিজেপি দলত যোগদান কৰে ৷