তেজপুৰ,২২ জুলাই :দেশৰ নতুন ৰাষ্ট্ৰপতি হিচাপে নিৰ্বাচিত হৈছে দ্ৰৌপদী মুৰ্মু (Droupadi Murmu new President of India)। বৃহস্পতিবাৰে নিৰ্বাচনৰ ফলাফল ঘোষণা কৰাৰ লগে লগে এনডিএ চৰকাৰে ব্যাপক আনন্দ উল্লাহ কৰা দেখা গৈছে । যিহেতু বিৰোধীৰ তুলনাত ভালেসংখ্যক ভোটত জয়ী হৈছে এনডিএ সমৰ্থিত প্ৰাৰ্থী দ্ৰৌপদী মুৰ্মু (Droupadi Murmu wins presidential polls)। নিৰ্বাচনী ফলাফলক লৈ বিৰোধী নিৰাশ হোৱা পৰিলক্ষিত হৈছে ।
সমান্তৰালকৈ ক্ৰছ ভোটিঙক লৈও ব্যাপক চৰ্চা আৰম্ভ হৈছে । বিশেষকৈ অসমত ক্ৰছ ভোটিঙক লৈ তীব্ৰ প্ৰতিক্ৰিয়া দেখিবলৈ পোৱা গৈছে । নিৰ্বাচনৰ ফলাফলৰ পাছতে স্বয়ং মুখ্যমন্ত্ৰী ড৹ হিমন্ত বিশ্ব শৰ্মাই এটা টুইটতে ক্ৰছ ভোটিঙৰ প্ৰসংগ উত্থাপন কৰিছে (Assam CM on cross voting)। লগে লগে বিৰোধী শিবিৰত প্ৰতিক্ৰিয়া আৰম্ভ হৈছে (Assam opposition MLA cross voting in presidential election)।
এইবাৰ ক্ৰছ ভোটিঙৰ প্ৰসংগত মুখ খুলিছে অসম প্ৰদেশ কংগ্ৰেছ কমিটীৰ সভাপতি ভূপেন বৰাই (APCC President reaction on cross voting)। প্ৰথমে ৰাষ্ট্ৰপতি দ্ৰৌপদী মুৰ্মুক শুভেচ্ছা জ্ঞাপন কৰে ভূপেন বৰাই । তাৰ পাছতে ক্ৰছ ভোটিং সন্দৰ্ভত ক্ষোভিত হৈ পৰে নেতাগৰাকী ।
ভূপেন বৰাই নিজ দলৰে বিধায়কক তীব্ৰ সমালোচনা কৰি কয় যে কংগ্ৰেছ দলত গাড্ডাৰ (বিশ্বাসঘাটক) আছে । দলৰ চাৰিগৰাকী বিধায়কক গাড্ডাৰ আখ্যা ভূপেন বৰাৰ । বিৰোধীৰ ২৬ টা ভোটৰ বিপৰীতে মাত্ৰ ২০ টা ভোটহে যশোৱন্ত সিনহাই লাভ কৰিলে বুলি উল্লেখ কৰে প্ৰদেশ কংগ্ৰেছৰ সভাপতিগৰাকীয়ে ।