ৰঙাপৰা,১৫ মে': চতিয়া বিধানসভা সমষ্টিৰ অন্তৰ্গত পামবস্তি-চৰিয়াবিল সংযোগী একমাত্ৰ বাঁহৰ দলংখন জৰাসৰ নদীৰ বাঢ়নি পানীয়ে উটুৱাই নিয়ে(Bamboo bridge over Jarasar river collapses) । যাৰ ফলত কেইবাখনো গাঁৱৰ যোগাযোগ বিচ্ছিন্ন হৈ পৰিছে (Several villages are cut off) ৷ কেইবাদিন ধৰি হোৱা নেৰানেপেৰা বৰষুনৰ ফলত জৰাসৰ নৈৰ বাঢ়নি পানী ফেনেফুটুকাৰে বাঢ়ি অহাত বাঢ়নি পানীয়ে একমাত্ৰ সংযোগী বাঁহৰ দলং খনৰ এটা অংশ উটুৱাই নিয়ে ।
জৰাসৰ নৈৰ বাঢ়নি পানীয়ে উটুৱাই নিলে বাঁহৰ দলং
নৈ খনৰ ওপৰত থকা বাঁহৰ দলং খন উটুৱাই নিয়াৰ ফলত স্কুলীয়া ছাত্ৰ-ছাত্ৰীৰ লগতে গাঁওবাসী ৰাইজে ভৰা নৈৰ মাজেৰে অতি বিপদ সংকুল অৱস্থাত যাত্ৰায়াত কৰিবলগীয়া হৈছে ৷ যিকোনো সময়ত সংঘটিত হ’ব পাৰে অঘটন । একঁকাল পানীৰ মাজেৰে যাতায়ত কৰিবললগীয়া হৈছে গাঁওখনৰ পুৰুষ আৰু মহিলা তথা কন-কন ছাত্ৰ-ছাত্ৰী ।