ৰঙাপাৰা, 7 মে':ৰঙাপাৰাত দুই পিতা-পুত্ৰই কৰ'ণা মহামাৰী প্ৰতিহত কৰিবলৈ সাজি উলিয়ালে চেনিটাইজাৰ যন্ত্ৰ । ৰঙাপৰাৰ এছ.কে ইলেক্ট্ৰনিকচ্ নামৰ প্ৰতিষ্ঠানটোৰ স্বত্বাধিকাৰী দেৱেন্দ্ৰ কুমাৰে, নিজৰ প্ৰতিষ্ঠানৰ পেলনীয়া কিছু সামগ্ৰীৰে পুত্ৰ প্ৰতীক কুমাৰৰ সৈতে চেনিটাইজাৰ যন্ত্ৰটো সাজি উলিয়ায় ।
১৯৮৭ চনৰে পৰা ৰঙাপৰা চহৰত ইলেকট্ৰনিকছৰ দোকান আৰম্ভ কৰি ইনভাৰ্টাৰ, ষ্টেবিলাইজাৰ আদি নিৰ্মাণ কৰি প্ৰতিষ্ঠা লাভ কৰা দেৱেন্দ্ৰ কুমাৰে, লক্ ডাউনৰ সময়চোৱাত সাজি উলিয়াছে সম্পূৰ্ণ শৰীৰ চেনিটাইজ কৰিব পৰা যন্ত্ৰটো । পৰীক্ষামূলকভাৱে সাজি উলিওৱা যন্ত্ৰটো প্ৰায় চাৰে ছয় ফুট উচ্চতাৰ ঘৰৰ আৰ্হিত নিৰ্মাণ কৰিছে । যন্ত্ৰটোৰ মাজেৰে কোনো লোক পাৰ হ’লে স্বয়ংক্ৰিয় ছেনশ্বৰৰ জৰিয়তে প্ৰায় ১০ ছেকেণ্ডৰ ভিতৰত সম্পূৰ্ণ শৰীৰ চেনিটাইজ হ'ব । উল্লেখ্য যে, এই যন্ত্ৰটো নিৰ্মাণৰ ক্ষেত্ৰত প্ৰায় ১৮ হাজাৰ টকা ব্যয় হোৱা বুলি উল্লেখ কৰে দেৱেন্দ্ৰ কুমাৰে ।
লগতে পঢ়কঃদক্ষিণ শালমাৰা মানকাচৰ জিলা উপায়ুক্তৰ কাৰ্যালয়ত স্থাপন স্বয়ংক্ৰিয় ছেনিটাইজাৰ যন্ত্ৰ
