তেজপুৰত ভয়ংকৰ পথ দুৰ্ঘটনা, নিহত ১

দুয়োগৰাকী মহিলা পথৰ দাঁতিত ৰৈ থকা অৱস্থাত তীব্ৰ বেগী তেলৰ টেংকাৰ এখনে মহতিয়াই নিয়ে । ফলত থিতাতে নিহত হয় মহিলা এগৰাকী লগতে গুৰুতৰভাৱে আহত হয় আন গৰাকী মহিলা । উক্ত ঘটনাক কেন্দ্ৰ কৰি স্থানীয় ৰাইজে তেজপুৰৰ ১৫ নং ৰাষ্ট্ৰীয় ঘাই পথ অৱৰোধ কৰে ।

তেজপুৰ, ২২ জুনঃ তেজপুৰৰ বিহগুৰিত ভয়ংকৰ পথ দুৰ্ঘটনা । দুৰ্ঘটনাত থিতাতে নিহত এগৰাকী মহিলাৰ লগতে গুৰুতৰ আহত আন এগৰাকী মহিলা ।

উল্লেখ্য যে, দুয়োগৰাকী মহিলা পথৰ দাঁতিত ৰৈ থকা অৱস্থাত তীব্ৰ বেগী তেলৰ টেংকাৰ এখনে মহতিয়াই নিয়ে । ফলত থিতাতে নিহত হয় অঞ্জুমা বেগম নামৰ মহিলাগৰাকী । ইফালে, ঘটনাস্থলীত স্থানীয় ৰাইজ উপস্থিত হৈ আহত মহিলা গৰাকীক তেজপুৰ অসামৰিক চিকিৎসালয়লৈ প্ৰেৰণ কৰে । লগতে ঘটনাটি আৰক্ষীক অৱগত কৰে । ঘটনাস্থলীত আৰক্ষী উপস্থিত হৈ দুৰ্ঘটনা সংঘটিত কৰা টেংকাৰ খন জব্দ কৰে । উক্ত ঘটনাক কেন্দ্ৰ কৰি স্থানীয় ৰাইজে তেজপুৰৰ ১৫ নং ৰাষ্ট্ৰীয় ঘাই পথ অৱৰোধ কৰাৰ লগতে প্ৰশাসনৰ বিৰুদ্ধে বিভিন্ন শ্ল'গান দিয়ে ।

লগতে আন এটা বাতৰি- সংবাদমেলত উচুপি উঠিল অভিনেত্ৰী প্ৰাঞ্জনা দত্ত