তেজপুৰ,১৮ মাৰ্চ:নিৰ্বাচনৰ পূৰ্বে ৰাজ্যৰ গৃহৰক্ষী বাহিনীৰ জোৱানসকলে এক গুৰুত্বপূৰ্ণ সিদ্ধান্ত গ্ৰহণ কৰিছে ৷ বৃহস্পতিবাৰৰ পৰা অসমৰ মুঠ ২৭ হাজাৰ গৃহৰক্ষী বাহিনীৰ জোৱানে কৰ্ম বিৰতি পালন কৰা সিদ্ধান্ত গ্ৰহণ কৰিছে ৷ শোণিপুৰত আজি প্ৰতিবাদ সাব্যস্ত কৰি এই কথা সদৰী কৰে গৃহৰক্ষী বাহিনীৰ জোৱান সকলে ৷
উল্লেখ্য যে, বিগত সময়চোৱাত গৃহৰক্ষী বাহিনীৰ জোৱান সকলে তেওঁলোকৰ চাকৰি নিয়মীয়াকৰণ কৰাৰ বাবে চৰকাৰৰ ওচৰত বহু বাৰ দাবী জনাই আহিছিল ৷ সেই দাবী অনুসৰি চৰকাৰেও চাকৰি নিয়মীয়াকৰণৰ প্ৰতিশ্ৰুতিও প্ৰদান কৰিছিল ৷ কিন্তু বিগত সময়ত এই ক্ষেত্ৰত চৰকাৰে কোনো ব্যৱস্থা গ্ৰহণ নকৰিলে বুলি অভিযোগ উত্থাপন কৰে গৃহৰক্ষী বাহিনীৰ জোৱান সকলে ৷