নটসূৰ্য ফণী শৰ্মা নাট সমাৰোহৰ সোণালী জয়ন্তী বৰ্ষ উদযাপন

নটসূৰ্য ফণী শৰ্মাৰ নাট সমাৰোহৰ সোনালী জয়ন্তী বৰ্ষ উপলক্ষে আয়োজন কৰিছে সপ্তাহ জোৰা কাৰ্য্যসূচী ৷ ৩১ জুলাইৰ সন্ধিয়া শুভাৰম্ভ হয় এই অনুষ্ঠানৰ ।  তাৰোপৰি বানথিয়েতাৰৰ বৰ্ষ শ্ৰেষ্ট অভিনেতা -অভিনেত্ৰী আৰু শিশু শিল্পীক বঁটা প্ৰদান কৰে ।

তেজপুৰ, 1 আগষ্টঃ তেজপুৰৰ ঐতিহ্য মণ্ডিত বাণ থিয়েটাৰত বুধবাৰৰ পৰা উদুলি মুদুলি পৰিৱেশ । নটসূৰ্য ফণী শৰ্মা নাট সমাৰোহৰ সোণালী জয়ন্তী বৰ্ষ উদযাপন উপলক্ষে সপ্তাহজোৰা কাৰ্য্যসূচী ৷

৩১ জুলাইৰ সন্ধিয়া শুভাৰম্ভ হয় এই অনুষ্ঠান । বাণ থিয়েটাৰে অন্যান্য অনুষ্ঠানৰ লগতে এইবছৰৰ পৰা প্ৰতি ২ বছৰৰ মূৰে মূৰে প্ৰদান কৰিব "বাণ থিয়েটাৰ বঁটা" ।

এই বঁটাত থাকিব বাণ থিয়েটাৰৰ স্মাৰক, অংগ বস্ত্ৰ ,জাপি আৰু নগদ ২০ হাজাৰ টকা । উল্লেখ্য যে, এই বৰ্ষৰ বাণ থিয়েটাৰ বঁটা আগবঢ়াইছে প্ৰযোজক পৰিচালক কৃষ্ণ ৰয়লৈ । ৩১ জুলাইৰ পৰা আৰম্ভ হোৱা এই নাট মহোৎসৱত গন্ধৰ্ব নাট্য গোষ্ঠী ,গুৱাহাটী, পূৰ্ব বংগ, বাণ থিয়েটাৰে ভোগজৰা আৰু বড়ো ভাষাত এটি দলে "চিৰাজ" নাটক খন মঞ্চস্থ কৰিব । তাৰোপৰি বাণ থিয়েটাৰৰ বৰ্ষ শ্ৰেষ্ঠ অভিনেতা অভিনেত্ৰী আৰু শিশু শিল্পী বঁটা প্ৰদান কৰে । অন্নদা কুমাৰ পদ্মপতি সোঁৱৰণী ন্যাসৰ বৰ্ষ শ্ৰেষ্ঠ অভিনেতা বঁটা জিতুমনি দেৱ চৌধুৰীয়ে লাভ কৰে ,বৰ্ষ শ্ৰেষ্ঠ অভিনেত্ৰী বঁটা স্পেইনী বৰ্মনলৈ আৰু শিশু শিল্পী প্ৰান্তিক কৃষ্ণ দাসলৈ কাৰ্তিক হাজৰিকা সোঁৱৰণী শিশু শিল্পী বঁটা প্ৰদান কৰে ।

এই অনুষ্ঠানত উপস্থিত থাকে জিলা উপায়ুক্ত নৰসিং পৱাৰ, বিশিষ্ট শিক্ষাবিদ ভবেন বৰুৱা, লোক নায়ক অমিয় কুমাৰ দাস মহাবিদ্যালয়ৰ প্ৰাক্তন অধ্যক্ষ মাধৱ চন্দ্ৰ দাস, বাণ থিয়েটাৰৰ সভাপতি বংকিম শৰ্মা উপস্থিত থাকে ।