তেজপুৰ, ২৭ জুলাই:ভাৰত চৰকাৰে ২০২০ চনৰ জুলাই মাহত দেশৰ শিক্ষাৰ পৰিৱেশ সংস্কাৰ কৰাৰ লক্ষ্যৰে ৰাষ্ট্ৰীয় শিক্ষা নীতি (NEP) ২০২০ উন্মোচন কৰে ৷ তেজপুৰ বিশ্ববিদ্যালয়ে NEP ২০২০ ৰ নীতিসমূহ ৰূপায়ণৰ ক্ষেত্ৰত অগ্ৰণী ভূমিকা গ্ৰহণ কৰি আহিছে ৷
কাৰণ ভাৰত চৰকাৰে ২০২০ চনত প্ৰৱৰ্তন কৰা ৰাষ্ট্ৰীয় শিক্ষানীতিযে সমগ্ৰ দেশৰ ভিতৰতে এক আমূল পৰিবৰ্তন সাধন কৰিছে ৷ এই শিক্ষানীতিৰ আধাৰত তেজপুৰ কেন্দ্ৰীয় বিশ্ববিদ্যালয়ত কেবাটাও গুৰুত্বপূৰ্ণ পদক্ষেপও গ্ৰহণ কৰিছে ৷
বৃস্পতিবাৰে বিশ্ববিদ্যালয়ৰ প্ৰেক্ষাগৃহত এক সংবাদমেলত তেজপুৰ বিশ্ববিদ্যালয়ৰ উপাচাৰ্য প্ৰফেছৰ সম্ভু নাথ সিঙে জনায় যে দেশৰ ৰাষ্ট্ৰীয় শিক্ষানীতিৰ আধাৰত বিশ্ববিদ্যালয়খনে 72 টা শিক্ষাৰ কাৰ্যসূচী প্ৰদান কৰিছে ইউ জি চি /পি জি/পি এইছ ডি পৰ্যায়ৰ মুঠ 27 টা বিভাগৰ জৰিয়তে ৷
প্ৰফেছৰ সিঙে জনায় যে, বিশ্ববিদ্যালয়খনত কেৰিকুলাম এণ্ড ক্ৰেডিট ফ্ৰেময়ৰ্ক ফৰ আণ্ডাৰ গ্ৰেজুৱেত (Curriculum and Credit Framework for Undergraduate) কাৰ্যসূচীৰ জৰিয়তে ছাত্ৰ-ছাত্ৰীসকলক ৪ বছৰীয়া ডিগ্ৰী লাভ কৰাৰ সুবিধা প্ৰদান কৰাৰ লগতে মূল্য সংযোজিত পাঠ্যক্ৰম, দক্ষতা বৃদ্ধি পাঠ্যক্ৰম, বহুবিষয়ক পাঠ্যক্ৰম আৰু ক্ষমতা বৃদ্ধি পাঠ্যক্ৰম উপলব্ধ ।
এই পাঠ্যক্ৰমসমূহ ঐচ্ছিক প্ৰকৃতিৰ আৰু উচ্চ শিক্ষা প্ৰতিষ্ঠানৰ প্ৰতিটো শিতানৰ বাবে পাঠ্যক্ৰমৰ এক বিশেষ টোপোলা থাকিব য’ত ব্যক্তিজনে এটা মৰ্যাদাপূৰ্ণ আৰু ফলপ্ৰসূ সামূহিক জীৱন যাপন কৰিব পাৰিব । উল্লেখযোগ্য যে শিক্ষাৰ্থীৰ বাবে আধাৰ কাৰ্ডৰ দৰে 12 টা সংখ্যাৰ এক বিশেষ কোড প্ৰদান কৰিব । ই কোনো অসুবিধা নোহোৱাকৈ উপাৰ্জিত ক্ৰেডিট ৰিডিম কৰাত শিক্ষাৰ্থীক সহায় কৰিবল ৷