ৰঙাপৰাত অগপৰ কাৰ্যালয়ত অগ্নি সংযোগ প্ৰতিবাদকাৰীৰ

প্ৰতিবাদী সমদল উলিওৱাৰ সময়তে একাংশ প্ৰতিবাদকাৰীয়ে ভাঙি লণ্ডভণ্ড কৰে অগপৰ কাৰ্যালয়টো ৷

শোণিতপুৰ, 12 ডিচেম্বৰ : কেব বিৰোধী আন্দোলনক কেন্দ্ৰ কৰি শোণিতপুৰ জিলাৰ ৰঙাপাৰাত উত্তপ্ত হৈ পৰিছে পৰিস্থিতি । বৃহস্পতিবাৰে কেবৰ বিৰোধীতাত প্ৰতিবাদী সমদল উলিওৱাৰ সময়তে একাংশ প্ৰতিবাদকাৰীয়ে ভাঙি লণ্ডভণ্ড কৰে ৰঙাপাৰাস্থিত অগপৰ কাৰ্যালয় । ক্ষুব্ধ ৰাইজে অগপৰ পতাকাৰ লগতে কাৰ্যালয়ৰ আচ-বাব ভাঙি অগ্নি সংযোগ কৰে । ৰাইজৰ ক্ষোভৰ বহিঃপ্ৰকাশ প্ৰত্যক্ষ কৰি থকা অগপৰ কৰ্মীসকলে প্ৰতিবাদকাৰীৰ কাৰ্যত কোনো ধৰণৰ প্ৰতিক্ৰিয়া প্ৰকাশ কৰা নাই ।