বিহালী , 17 জুন: বিহালীৰ এজন যুৱকৰ চমকপ্ৰদ প্ৰতিভা ৷ মাটি অথবা বহীত নহয়, এইবাৰ পাচলিত চিত্ৰ অংকন কৰি চৰ্চালৈ আহিছে এজন অখ্যাত শিল্পী ৷ শিল্পীগৰাকীৰ হাতৰ পৰশত ৰঙালাওত প্ৰাণ পায় উঠিল হাৰ্টথ্ৰব জুবিন গাৰ্গৰ ছবি (Zubeen Garg art in a pumpkin)৷ প্ৰিয় শিল্পী জুবিন গাৰ্গক হুবহু অংকন কৰি ইতিমধ্যেই ৰাইজৰ মৰম বুটলিবলৈ সক্ষম হৈছে প্ৰণৱ দাস নামৰ এই যুৱকজনে ৷
বিহালীৰ এজন যুৱকৰ হাতৰ পৰশত ৰঙালাওত প্ৰাণ পাই উঠিল জুবিন গাৰ্গ
ইয়াৰ উপৰিও বৃক্ষতো গছৰ ছবি অংকণ কৰি পৰিৱেশ সংৰক্ষণৰ চানেকি দাঙি ধৰিছে এইজন প্ৰতিভাবান শিল্পীয়ে ৷ বিহালী টেলেঙনীয়া গাঁৱৰ কৃষক ভক্ত দাস আৰু মহিলা দাসৰ একমাত্ৰ পুত্ৰ প্ৰণৱ দাস ৷ তৃতীয় শ্ৰেণীত অধ্যয়ণ কৰি থকাৰে পৰাই নিৰৱচ্ছিন্নভাৱে শিল্প চৰ্চা কৰি আছে প্ৰণৱে ৷ ইতিমধ্যে বহু মহান মনিষীৰ অবিকল চিত্ৰ, প্ৰকৃতিৰ ছবিৰ লগতে গছৰ পাততো চিত্ৰ অংকন কৰি সকলোৰে সমাদৰ লাভ কৰিছে ৷