তেজপুৰ, ১৭ জানুৱাৰী :ৰূপান্তৰৰ শিল্পী ৰূপকোঁৱৰ জ্যোতিপ্ৰসাদ আগৰৱালাৰ ৭২ সংখ্যক স্মৃতি দিৱসৰ আজিৰ দিনটোত তেওঁৰ কৰ্ম-সাধনাৰ স্থলী ঊষানগৰী তেজপুৰত ৰূপকোঁৱৰ বন্দনাৰে মুখৰিত হৈ পৰে (Silpi Divas observed in Tezpur) । পুৱা তেজপুৰ সাহিত্য সভা ভৱনৰ সন্মুখত থকা আৱক্ষ মূৰ্তিত বন্তি প্ৰজ্বলনেৰে শ্ৰদ্ধাঞ্জলি অনুষ্ঠান শুভাৰম্ভ কৰে (Rupkonwar Jyotiprasad Agarwala death anniversary) তেজপুৰ সাহিত্য সভাৰ নৱনিৰ্বাচিত সভাপতি ৰমেশ চন্দ্ৰ কলিতাই ।
আনহাতে, ৰূপকোঁৱৰৰ পৈতৃক গৃহ তেজপুৰৰ ঐতিহাসিক 'পকী' (historical Poki of Jyotiprasad Agarwala) অৰ্থাৎ জ্যোতি ভাৰতীতো আজি পুৱাৰে পৰা অসম চৰকাৰৰ সাংস্কৃতিক সঞ্চালকালয় জ্যোতি ভাৰতী আৰু শোণিতপুৰ জিলা প্ৰশাসনৰ উদ্যোগত জনতাৰ শিল্পীগৰাকীৰ স্মৃতিত শ্ৰদ্ধাঞ্জলি জ্ঞাপন কৰে শোণিতপুৰৰ উপায়ুক্ত দেৱ কুমাৰ মিশ্ৰ, তেজপুৰৰ বিধায়ক পৃথ্বিৰাজ ৰাভা, ৰাজ্যসভাৰ সাংসদ ভুৱনেশ্বৰ কলিতা, শিলচৰৰ সাংসদ ৰাজদ্বীপ ৰায়, কলাগুৰুৰ জ্যেষ্ঠ পুত্ৰ তথা তেজপুৰৰ বিধায়ক পৃথ্বিৰাজ ৰাভাই ।
লগতে শ্ৰদ্ধাঞ্জলি জনায় এমট্ৰণৰ উপাধ্যক্ষ ঋতুবৰণ শৰ্মাৰ লগতে ৰূপকোঁৱৰৰ কন্যা জ্ঞানশ্ৰী পাঠক, শোণিতপুৰ জিলা পৰিষদৰ মুখ্য কাৰ্যবাহী বিষয়া কৰবী শইকীয়া কৰণ আদিয়ে (Silpi Diwas observed in Assam) । জ্যোতি ভাৰতীৰ শিল্পীসকলে পৰিবেশন কৰা শ্ৰদ্ধাঞ্জলি অনুষ্ঠানৰ পিছতেই তেজপুৰৰ বিধায়ক পৃথ্বিৰাজ ৰাভাই অসমৰ প্ৰথমখন চলচ্চিত্ৰ 'জয়মতী'ৰ আপুৰুগীয়া ফটোৰ প্ৰদৰ্শনী উন্মোচন কৰে । অনুষ্ঠানটিত জ্যোতি ভাৰতীৰ শিল্পী আলিম্পন চৌধুৰীয়ে ৰচনা কৰা এখন গীতি-আলেখ্যও পৰিবেশন কৰা হয় ।
ৰাজ্যসভাৰ সাংসদ ভুৱনেশ্বৰ কলিতাইও স্মৃতিচাৰণ কৰা অনুষ্ঠানটিত ৰূপকোঁৱৰৰ ভতিজাক অপৰূপ আগৰৱালাক জ্যোতি ভাৰতী কৰ্তৃপক্ষই বিশেষভাৱে সম্বৰ্ধনা জ্ঞাপন কৰাৰ লগতে ৰূপকোঁৱৰৰ কন্যা জ্ঞানশ্ৰী পাঠকে 'পকী'ৰ স্মৃতি ৰোমন্থন কৰি পিতৃৰ স্মৃতিচাৰণ কৰে । আনহাতে, ৰূপকোঁৱৰৰ স্মৃতি বিজড়িত ঐতিহ্যমণ্ডিত বাণ থিয়েটাৰতো অনুষ্ঠিত বিশেষ শ্ৰদ্ধাঞ্জলি আৰু স্মৃতিচাৰণ অনুষ্ঠানত তেজপুৰৰ প্ৰবীণ কণ্ঠশিল্পী সচ্চিদানন্দ বৰাক বিশেষভাৱে সম্বৰ্ধনা জ্ঞাপন কৰে ।