তেজপুৰ, 17 মে' : এতিয়াৰে পৰা অৰুণাচল প্ৰদেশৰ ভাৰত-চীন সীমান্তৱৰ্তী অঞ্চলত উপলব্ধ হ’ব 4G ম’বাইল সেৱা ৷ সীমান্তৱৰ্তী অঞ্চলত উন্নত যোগাযোগৰ সুবিধাৰ বাবে উপলব্ধ কৰা হৈছে এই ব্যৱস্থা ৷ ভাৰত-চীন সীমান্তৱৰ্তী অঞ্চলৰ জনসাধাৰণ এতিয়াৰে পৰা অসুবিধাৰ সন্মুখীন নহয় ম’বাইল অথবা ইণ্টাৰনেট ব্যৱহাৰৰ ক্ষেত্ৰত ৷ কেন্দ্ৰীয় চৰকাৰৰ সহযোগিতাত অৰুণাচল প্ৰদেশ চৰকাৰে সীমান্তৱৰ্তী অঞ্চলৰ ৰাইজৰ বাবে উপলব্ধ কৰাইছে 4G মোবাইল নেটৱৰ্ক (4G Service Starts in Indo-China Border) ৷
অৰুণাচল প্ৰদেশৰ সীমান্তৱৰ্তী দুৰ্গম এলেকাত সংযোজিত কৰা হৈছে এই 4G ম’বাইল নেটৱৰ্ক ৷ বিগত এপ্ৰিল মাহৰ পৰা ৰাজ্যখনৰ আন্তঃৰাষ্ট্ৰীয় সীমান্তৱৰ্তী গাঁও সমূহত যোগাযোগ ব্যৱস্থা উন্নত কৰাৰ বাবে চৰকাৰে আগবাঢ়াইছে এই সেৱা ৷ ৰাজ্যখনৰ মুখ্যমন্ত্ৰী পেমা খাণ্ডুয়ে জনায় যে বিগত এপ্ৰিল মাহত ৰাজ্যখনৰ মুঠ 336 খন গাঁৱত 254 টা 4G ম’বাইলৰ টাৱাৰ স্থাপন কৰা হৈছে ৷ আনহাতে 1,683 খনসীমান্তৱৰ্তী গাঁৱক 4G নেটৱৰ্কৰে সংযোগ কৰা হৈছে (4G Service Starts in 1683 Villages) ৷