শিৱসাগৰ, 8 অক্টোবৰ : শিৱসাগৰ নগৰৰ পুৰণি দিখৌ দলঙত অঘটন । বৃহস্পতিবাৰে জৰাজীৰ্ণ দলঙৰ ফুটাৰে সৰকি পৰিল এজন আৰোহী । সৌভাগ্যক্ৰমে কোনো বৃহৎ দুৰ্ঘটনাৰ পৰা বাচি দিখৌ নৈ(Dikhow River)ৰ বামত পৰে চাইকেল আৰোহী পাপু কৰ্মকাৰে ৷ ঘটনাৰ উমান পাই যুৱকজনক বামৰ পৰা উদ্ধাৰ কৰে স্থানীয় ৰাইজে ।
দিখৌ নৈৰ দলঙৰ ভঙা অংশৰে সৰকিল এজন যুৱক
উল্লেখ্য যে,চাইকেল চলাই দলং পাৰ হোৱাৰ চেষ্টা চলাওতেই হঠাৎ পিচল খাই চাইকেলৰ পৰা দলংখনৰ ফুটাৰে সৰকি নৈৰ পাৰত পৰেগৈ পাপুৱে ৷ জৰাজীৰ্ণ এই দলংখনৰ পৰা কোনোমতে প্ৰাণ ৰক্ষা পৰে যুৱকজনৰ ৷ স্বাধীনতাৰ পূৰ্বে অৰ্থাৎ 1935 চনতে বৃটিছৰ দিনত নিৰ্মাণ কৰা হৈছিল কপিকলযুক্ত এই দলংখন ৷