ডিমৌত নিশা আৰক্ষীৰ ড্ৰাগছ বিৰোধী অভিযান

মৰাণৰ সমীপৰ ডিমৌত আৰক্ষীৰ দলে ড্ৰাগছৰ বিৰুদ্ধে এক অভিযান চলাই তিনি ড্ৰাগছ সৰবৰাহকাৰীক আটক কৰে ৷ আটকাধীন তিনি ড্ৰাগছ সৰবৰাহকাৰীৰ পৰা আৰক্ষীৰ দলটোৱে ড্ৰাগছ ভৰ্তি এটা টেমা উদ্ধাৰ কৰিবলৈ সক্ষম হয় ৷

মৰাণ, 15 জুন :মৰাণৰ সমীপৰ ডিমৌত আৰক্ষীৰ এটা দলে ড্ৰাগছৰ বিৰুদ্ধে এক অভিযান চলায় । ডিমৌ আৰক্ষীৰ এই অভিযানত আটক হয় তিনি ড্ৰাগছ সৰবৰাহকাৰী । আটকাধীন তিনি ড্ৰাগছ সৰবৰাহকাৰীৰ পৰা আৰক্ষীৰ দলটোৱে ড্ৰাগছ ভৰ্তি এটা টেমা উদ্ধাৰ কৰিবলৈ সক্ষম হয় ৷

আৰক্ষীয়ে সদৰী কৰা মতে আৰক্ষীয়ে তিনিগৰাকী ড্ৰাগছ সৰবৰাহকাৰীক আটক কৰে যদিও অভিযানকাৰী দলটোৰ চকুত ধূলি আন দুই ড্ৰাগছ সৰবৰাহকাৰীয়ে পলায়ন কৰে ৷ আটক কৰা তিনি ড্ৰাগছ সৰবৰাহকাৰীৰ পৰা আৰক্ষীয়ে AS-04Y-9522, AS-04W-8357, AS-04T-8058 আৰু AS-04E-3891 নম্বৰৰ চাৰিখনকৈ মটৰচাইকেল জব্দ কৰিবলৈ সক্ষম হয়।

উল্লেখ্য যে, আৰক্ষীৰ হাতত আটকাধীন তিনি ড্ৰাগছ সৰবৰাহকাৰী ক্ৰমে ডিমৌ শান্তিপুৰৰ প্ৰজ্ঞান বুঢ়াগোহাঁই, ডিমৌ লাচিত নগৰৰ অম্লান চাংমাই আৰু ডিমৌ আই চি ডি পি চৌহদৰ পংকজ সোণোৱাল বুলি জানিব পৰা গৈছে ৷

লগতে পঢ়ক: এবছৰে ন্যায়ৰ পৰা বঞ্চিত বৰহোলাৰ জয়ন্ত বৰাৰ পৰিয়াল