শিৱসাগৰ, ১৩ এপ্ৰিল: আজি উৰুকা। গোটেই বছৰটো আশাৰে বাট চাই থকা প্ৰতিজন অসমীয়া সাজু বাপতিসাহোন ৰঙালী বিহুটিক আদৰিবলৈ। কুলি কেতেকীৰ মাত আৰু ঢোল পেঁপাৰ গুমগুমণিৰ লগতে ঢেকীৰ মাতত এতিয়া কঁপি উঠিছে চৌদিশ । পিঠা পুৰি-হাতত জেতুকা লগাই ব’হাগীক আদৰিবলৈ সাজু শিৱসাগৰৰ যুৱতী । ইচাট-বিচাট অসমীয়া ডেকা গাভৰুৰ মন। তাঁতশালৰ ব্যস্ততা এৰি অসমীয়া জীয়ৰীসকল আজিৰে পৰা ব্যস্ত ঢেঁকীশাল বা জুহালত ।
আজি উৰুকা। গোটেই বছৰটো আশাৰে বাট চাই থকা প্ৰতিজন অসমীয়া সাজু বাপতিসাহোন ৰঙালী বিহুটিক আদৰিবলৈ। সমগ্ৰ ৰাজ্যৰ লগতে শিৱসাগৰতো পৰিলক্ষিত হৈছে বিহুৰ ব্যস্ততা । ডিমৌৰ নিতাইপুখুৰীৰ গড়ভগা গাঁৱৰ দৃশ্য এয়া । পাকঘৰৰ জুশালত জুই ফুঁৱাই এনেদৰে গাভৰুসকলে জুহালত তাৱা পাতি তিলপিঠা পুৰাত ব্যস্ত হৈ পৰিছে । মুখত ব’হাগৰ আনন্দৰ হাঁহি আৰু বিহুনামৰ গুণগুণনিৰে বিহুত অতিথি আপ্যায়নৰ বাবে পিঠা-পনাৰে সাজু হৈ উঠিছে ডিমৌৰ এইসকল যুৱতী । এনেই ৰূপে-গুণে অতুলনীয় অসমীয়া গাভৰু, তাতে আকৌ খোপাত কপৌফুল আৰু হাতত অসমীয়া গাভৰুৰ স্বাভিমানৰ প্ৰতীকস্বৰূপ জেতুকাৰ বুলে তেওঁলোকক কৰি তুলিছে অপৰূপা, জাকত-জিলিকা ।
