নাজিৰা 8 জুলাই: বৃহস্পতিবাৰৰ পৰা ২৪ দিনীয়া কাৰ্যসূচীৰে নাজিৰা নাট্য মন্দিৰত অনুষ্ঠিত হৈছে গ্ৰীষ্মকালীন নাট কৰ্মশালা (Summer Drama Workshop at Nazira Natya Mandir)৷ পঞ্চমবাৰৰ বাবে নাজিৰা মহকুমা ছাত্ৰ সন্থাৰ উদ্যোগত নাজিৰা নাট্য মন্দিৰৰ সহযোগত আয়োজন কৰা হৈছেএই নাট কৰ্মশালা ৷
নাজিৰা নাট্য মন্দিৰত অনুষ্টিত গ্ৰীষ্মকালীন নাট কৰ্মশালা নাজিৰা আঞ্চলিক ছাত্ৰ সন্থাৰ উদ্যোগত, বহ্নিমান আৰু নাজিৰা নাট্য সমিতিৰ সহযোগত বিগত দুটা বছৰ ক’ভিড পৰিস্থিতিৰ পিছত এই বছৰ পুনৰ ২৪ দিনিয়াকৈ গ্ৰীষ্মকালীন নাট কৰ্মশালা আয়োজন কৰা হৈছে ৷
কৰ্মশালাৰ শুভাৰম্ভ অনুষ্ঠানত অংশগ্ৰহণ কৰে অসমৰ বহুকেইজন জনপ্ৰিয় অভিনেতাই ৷ শুভাৰম্ভ অনুষ্ঠানত উপস্থিত থাকে জনপ্ৰিয় অভিনেতা কমল লোচন আৰু ৰনাল্ড হুছেইন (Actors Kamal Lochan and Ronald Hussain) ৷ ২৪ দিনীয়াকৈ আয়োজন কৰা কৰ্মশালাত অভিনেতা কমল লোচন আৰু ৰনাল্ড হুছেইনৰ লগতে প্ৰশিক্ষক হিচাপে উপস্থিত থাকিব অসমৰ জনপ্ৰিয় অভিনেত্ৰী চেতনা দাস (Popular Assamese actress Chetana Das)৷
নাজিৰাৰ প্ৰতিভাবান ছাত্ৰ ছাত্ৰীসকল যাতে এই কৰ্মশালাৰ দ্বাৰা লাভৱান হব পাৰে তাৰেই আশা কৰে উদ্যোক্তাসকলে ৷
লগতে পঢ়ক:হোজাইত আয়োজন শিশু অধিকাৰ সম্পৰ্কীয় কৰ্মশালা
