শিৱসাগৰত প্ৰধানমন্ত্ৰী আৰু মুখ্যমন্ত্ৰীৰ প্ৰতিমূৰ্তি দাহ

কৃষক বিৰোধী আইন বাতিল আৰু আৰক্ষী নিয়োগ পৰীক্ষাত হোৱা কেলেংকাৰীৰ উচিত তদন্তৰ দাবী জনাই শিৱসাগৰ জিলাৰ দলমুখ চাৰিআলিত বীৰ লাচিত সেনাই সাব্যস্ত কৰে উত্তাল প্ৰতিবাদ ৷ প্ৰতিবাদকাৰী সকলে প্ৰধানমন্ত্ৰী নৰেন্দ্ৰ মোদীৰ প্ৰতিমূৰ্তি দাহ কৰি উত্তাল কৰি তোলে পৰিবেশ ৷

শিৱসাগৰ,26ছেপ্টেম্বৰ: শিৱসাগৰত বীৰ লাচিত সেনাৰ উত্তাল প্ৰতিবাদ ৷ কৃষক বিৰোধী আইন বাতিলৰ দাবীত আৰু আৰক্ষী নিয়োগ পৰীক্ষাত হোৱা কেলেংকাৰীৰ উচিত তদন্তৰ দাবী জনাই বীৰ লাচিত সেনাই সাব্যস্ত কৰে প্ৰতিবাদ ৷ জিলাখনৰ দ’লমুখ চাৰিআলিত সংগঠনটোৰ সদস্য সকলে প্ৰধানমন্ত্ৰী নৰেন্দ্ৰ মোদী আৰু মুখ্যমন্ত্ৰীৰ প্ৰতিমূৰ্তি দাহ কৰি কেন্দ্ৰীয় চৰকাৰে যি কেতবোৰ আইন সংশোধন কৰি কৃষক বিৰোধী স্থিতি গ্ৰহণ কৰিছে তাৰ তীব্ৰ বিৰোধিতা কৰে । বিশেষকৈ অত্যাৱশ্যকীয় সামগ্ৰীৰ তালিকাৰ পৰা চাউল,দাইল,আলু, পিঁয়াজ, তেল আদি সামগ্ৰীৰ নাম কৰ্তনৰ তীব্ৰ বিৰোধিতা কৰে সংগঠনটোৰ সদস্য সকলে ৷ অতি শীঘ্ৰে এই সংশোধীত আইনসমূহ বাতিলৰ দাবী জনাই প্ৰতিবাদকাৰী সকলে । অন্যথা তীব্ৰ আন্দোলনৰ হূংকাৰ দিয়ে প্ৰতিবাদকাৰী সকলে ৷

শিৱসাগৰত প্ৰধানমন্ত্ৰী আৰু মুখ্যমন্ত্ৰীৰ প্ৰতিমূৰ্তি দাহ

অন্য এক খবৰৰ বাবে: বাক্সাত বৃহৎ পৰিমাণৰ অস্ত্ৰ উদ্ধাৰ