শিৱসাগৰ,9 ফেব্ৰুৱাৰীঃ সদ্য প্ৰয়াত জ্যেষ্ঠ কংগ্ৰেছ নেতা প্ৰণৱ গগৈৰ প্ৰতি শ্ৰদ্ধা নিবেদনৰ অৰ্থে দেওবাৰে শিৱসাগৰৰ ৰেডক্ৰছ ৰোডত উপস্থিত হয় অসম প্ৰদেশ কংগ্ৰেছ কমিটিৰ সভাপতি ৰিপুণ বৰা । নেতা গৰাকীৰ প্ৰতি শ্ৰদ্ধা নিবেদন কৰি পৰিয়ালৰ লোকক সমবেদনা জ্ঞাপন কৰে কংগ্ৰেছৰ সভাপতি গৰাকীয়ে ৷ লগতে জ্যেষ্ঠ নেতাগৰাকীৰ মৃত্যু কংগ্ৰেছ দলৰ এক ডাঙৰ ক্ষতি বুলি উল্লেখ কৰে ।
শিৱসাগৰত উপস্থিত ৰিপুণ বৰা
ৰিপুণ বৰাই সাংবাদিকৰ সৈতে মত বিনিময় কৰি সাম্প্ৰতিক অসমৰ ৰাজনৈতিক পৰিস্থিতি তথা পৰিৱেশ সন্দৰ্ভত আলোচনা কৰে । আনহাতে,গগৈৰ মৃত্যুত খালী হোৱা শিৱসাগৰ বিধানসভা সমষ্টিৰ পদক কেন্দ্ৰ কৰি উপ-নিৰ্বাচন সম্পৰ্কত কেতবোৰ গুৰুত্বপূৰ্ণ মন্তব্য প্ৰকাশ কৰে ৷ বিগত সময়ত দীৰ্ঘদিনে শাসনত থাকি জনতাক পাহৰি যোৱা কংগ্ৰেছ দলৰ বাবে বিগত নিৰ্বাচনত পৰাজয় যথোচিত বুলি বৰাই উল্লেখ কৰে ।