আমগুৰি, ২৫ জুন:চৰকাৰী আঁচনিক ভেঙুচালি (PM Krishi Sinchay yojana) ৷ আমগুৰি সমষ্টিত প্ৰধানমন্ত্ৰী কৃষি সিঁচাই যোজনা ৰূপায়ণৰ নামত ব্যাপক লুণ্ঠনৰ অভিযোগ উত্থাপিত হৈছে । তিনিবছৰ পৰ্যন্ত সম্পূৰ্ণ নহ'ল কৃষকৰ বাবে পৰিকল্পিত সৌৰশক্তি চালিত পানীৰ পাম্প (Solar powered pump not completed till 3 years)৷
তথ্য জনাৰ অধিকাৰ আইনৰ সহায়ত লাভ কৰা তথ্য অনুসৰি সমষ্টিটোত প্ৰধানমন্ত্ৰী কৃষি সিঁচাই যোজনাৰ নামত ঠিকাদাৰী প্ৰতিষ্ঠানে লুণ্ঠন চলোৱাৰ তথ্য পোহৰলৈ আহিছে ৷ ২০১৯ বৰ্ষতে আমগুৰি সমষ্টিত এই আঁচনিৰ অধীনত মুঠ ৮৫ টা সৌৰশক্তি চালিত পাম্পৰ বাবে 4, 34,64 হাজাৰ টকা আৱণ্টন কৰা হৈছিল ৷
3 বছৰ পৰ্যন্ত সম্পূৰ্ণ নহ'ল সৌৰশক্তি চালিত পাম্প ইয়াৰ পিছতে এম এচ এনভাইৰ'নমেন্ট টেকন' নামৰ এটা বহিৰাগত প্ৰতিষ্ঠানে এই পাম্পসমূহ বহুওৱাৰ কাম হাতত লৈছিল ৷ ইয়াৰে ৪০ টা সৌৰশক্তি চালিত পাম্পৰ বাবে প্ৰায় ৬ লক্ষাধিক টকা আৰু ৪৮ টা পাম্পৰ কাৰণে প্ৰায় ৫ লক্ষাধিক টকাকৈ পুঁজি ধাৰ্য কৰা হৈছিল ৷ কিন্তু 2019 বৰ্ষৰ পৰা ২০২০ চনৰ এপ্ৰিল মাহতে নিৰ্মাণ সম্পূৰ্ণ কৰিবলৈ অহা আঁচনিখনৰ শেষ সময় আছিল ২০২১ চনৰ ডিচেম্বৰ মাহ ৷
যদিও আজি তিনিবছৰ পৰ্যন্ত সমষ্টিটোত পানীৰ পাম্পৰ 60 শতাংশ কামো সম্পূৰ্ণ হৈ উঠা নাই ৷ এই আঁচনিৰ নামত ঠিকাদাৰ প্ৰতিষ্ঠানে বৰ্তমানলৈ 2,45,83,545 টকা লৈ যায় বুলি তথ্যত প্ৰকাশ হৈছে ৷ এতিয়া এই বিষয় সন্দৰ্ভত সৰৱ হৈছে আমগুৰিৰ সদৌ টাই আহোম ছাত্ৰ সন্থা ৷ সন্থাটোৰ বিষয়ববীয়াসকলে অনাগত দিনত অতি সোনকালে পাম্প নিৰ্মাণৰ কাম সম্পূৰ্ণ কৰিবলৈ আহ্বান জনোৱাৰ লগতে বিভাগীয় মন্ত্ৰীয়ে এই ক্ষেত্ৰত হস্তক্ষেপ কৰিবলৈ দাবী উত্থাপন কৰিছে ৷ অন্যথা সংগঠনটোৱ তীব্ৰ আন্দোলন গঢ়ি তোলাৰ হুংকাৰ প্ৰদান কৰে ৷
লগতে পঢ়ক:প্ৰধানমন্ত্ৰী আৱাস যোজনাৰ ১ কোটিতকৈ অধিক গৃহ আৱন্টন
