আমগুৰিত ৰেলৰ আগত পৰি আত্মহত্যা এগৰাকী মহিলাৰ

শিৱসাগৰৰ আমগুৰিত চলন্ত ৰে'লৰ আগত পৰি আত্মহত্যা এগৰাকী মহিলাৰ ৷ ঘটনা সম্পৰ্কে বৰ্তমানেও অব্যাহত তীব্ৰ চাঞ্চল্য ৷ ছুইচাইড নোটত উল্লেখ পংকজ নাথ নামৰ ব্যক্তি এজনৰ নাম ৷

আমগুৰি,11 নৱেম্বৰ:আমগুৰিৰ ৰাজহুৱা ভৱনৰ সমীপত নামনিমুৱা চলন্ত ৰে'লৰ আগত পৰি আত্মহত্যা কৰে এগৰাকী মহিলাই ৷ নিহত মহিলাগৰাকী আমগুৰি পৌৰসভাৰ ৪নং ৱাৰ্ডৰ নিৱাসীনবীন দত্তৰপত্নী ৰূপালী দত্ত বুলি জানিব পৰা গৈছে ৷ এই ঘটনাৰ পিচতে আত্মহত্যা কৰা স্থানৰ পৰা এখন ছুইচাইড নোট উদ্ধাৰ হয় ৷ চুইচাইড নোটত লিখা আছিল বহু আপত্তিজনক তথ্য ৷ আৰক্ষীয়ে চুইচাইড নোট উদ্ধাৰৰ পিচতে পোহৰলৈ আহে এই ঘটনা প্ৰেমজনিত কাৰণতে সংঘটিত হোৱাৰ কথা ৷

ইফালে ছুইচাইড নোটত স্পষ্টকৈ উল্লেখ আছে পংকজ নাথ নামৰ এজন ব্যক্তিৰ বিষয়ে ৷ তদন্তৰ পিচতহে পোহৰলৈ আহিব
সমগ্ৰ ঘটনা ৷ ইতিমধ্যে মহিলাগৰাকীৰ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে ৰে'লৱে আৰক্ষীয়ে ৷

লগতে পঢ়কঃ নিজ পুত্ৰৰ ওপৰত পিতৃৰ অমানৱিক অত্যাচাৰ