আমগুৰি, 6 আগষ্ট: শিৱসাগৰ জিলাৰ গৌৰীসাগৰ উন্নয়ণ খণ্ডৰ অন্তৰ্গত দিকচু পঞ্চায়ত ৷ শেহতীয়া পৰিস্থিতিৰ মাজতে এই পঞ্চায়তখনে সকলোকে দেখুৱাইছে এক আদৰ্শৰ বাট ৷ ব্যতিক্ৰমী পঞ্চায়তখন আন বহু পঞ্চায়তৰ বাবে হৈ পৰিছে আদৰ্শ স্বৰূপ ।
উল্লেখ্য যে, পূৰ্বৰ প্ৰতিবেদনত দেখুওৱা অনুসৰি, পঞ্চায়তখনে নিজাকৈ ৰাজহ সংগ্ৰহ কৰিবলৈ পঞ্চায়তৰ মাটিত সাঁচি আৰু মাটিকঁঠালৰ পুলি ৰোপন কৰিছিল ।এতিয়া মাটিকঁঠালবোৰ বিক্ৰীৰ বাবে উপযোগী হৈ পৰিছে ৷
মাটিকঁঠালৰ খেতিৰে পঞ্চায়তখনৰ অন্তৰ্গত বহু নিবনুৱা যুৱকক সংস্থাপনৰ পথ দেখুওৱা পঞ্চায়তখনে বৰ্তমান পুৰঠ হোৱা মাটিকঁঠালসমূহ পাইকাৰী মূল্যত জোৰা 60 টকাকৈ বিক্ৰীৰ ব্যৱস্থা কৰিছে । গৌৰীসাগৰ উন্নয়নৰ খণ্ডৰ খণ্ড উন্নয়ণ বিষয়াৰ জৰিয়তে উদ্বোধন কৰা এই বিক্ৰীৰ আৰম্ভণিতে প্ৰথম দিনাই 1500 টকাৰ মাটি কঁঠাল বিক্ৰী কৰিবলৈ সক্ষম হয় পঞ্চায়ত কৰ্মীসকলে ।
পঞ্চায়তৰ বিষয়ববীয়াই জনোৱা মতে,প্ৰতি সপ্তাহতে 1000-2000 মাটিকঁঠাল বিক্ৰী কৰিব পৰা যাব। বিক্ৰী কৰি পোৱা টকাখিনি পঞ্চায়তৰ আন্তঃগাঁঠনি আৰু উন্নয়ণমূলক কামত খৰচ কৰিব বুলি বিষয়ববীয়া গৰাকীয়ে জানিবলৈ দিয়ে ৷
লগতে পঢ়ক:নাৰায়ণপুৰত উদ্ধাৰ ৰূপৰ মুদ্ৰাসহ খাৰু
