শুভাশীষ অনুষ্ঠানত ছাত্ৰ-ছাত্ৰীৰ কান্দোনৰ ৰোল আমগুৰি,22 জানুৱাৰী:শিৱসাগৰ জিলাৰ নামতিত এখন বিদ্যালয়ত ছাত্ৰ-ছাত্ৰীৰ কান্দোনৰ ৰোল ৷ নিজে অধ্যয়ন কৰা বিদ্যালয়খনত কান্দোনত ভাঙি পৰা দেখা গ’ল একাংশ ছাত্ৰ-ছাত্ৰীক ৷ দশম শ্ৰেণীৰ ছাত্ৰ-ছাত্ৰীৰ বিদায় অনুষ্ঠানত আপোন বিদ্যালয়খন এৰি যাবলৈ পায় বিদ্যালয়খনত সৃষ্টি হ’ল এই পৰিৱেশ ৷
উল্লেখ্য যে, শিৱসাগৰ জিলাৰ নামতিৰ অন্যতম শিক্ষানুষ্ঠান জাতীয় বিদ্যা নিকেতনে(Jatiya Vidya Niketan) এই বছৰ ৰূপালী জয়ন্তী বৰ্ষত ভৰি দিলে । নামতি অঞ্চলৰ অন্যতম এখনি শিক্ষানুষ্ঠান নামতি চাৰিআলি জাতীয় বিদ্যা নিকেতনৰ ৰূপালী জয়ন্তী অনুষ্ঠান বিভিন্ন বাৰেৰহণীয়া সাংস্কৃতিক কাৰ্যসূচীৰে ৰূপায়ণ কৰা হয় ।
আজিৰে পৰা আৰম্ভ হৈছে বিদ্যালয়খনৰ ৰূপালী জয়ন্তী বৰ্ষ(Jatiya Vidya Niketan Silver jubilee) ৷ ইফালে, সংবাদমাধ্যমৰ আগত বিদ্যালয়ৰ এগৰাকী সঞ্চালকে কয়,‘‘দশম শ্ৰেণীৰ ছাত্ৰ-ছাত্ৰীসকলৰ ক্ষেত্ৰত আমি বিদায় শব্দৰ ব্যৱহাৰ কৰা নাই ৷ বিদায় শব্দৰ বিপৰীতে আমি ব্যৱহাৰ কৰিছোঁ শুভাশীষ শব্দৰ ৷’’ ছাত্ৰী-ছাত্ৰীসকলৰ বাবে ‘আত্ম সমালোচনা’ শীৰ্ষক এখন গ্ৰন্থ প্ৰকাশ কৰা হৈছে বুলিও সঞ্চালকগৰাকীয়ে সদৰী কৰে সংবাদমাধ্যমৰ আগত ৷
লগতে পঢ়ক:Iconic Assam Award: প্ৰতিভা সম্পন্ন উন্মনা কোঁৱৰক ডনবস্ক' স্কুল ভেন এছ'চিয়েশ্যনৰ অভিনন্দন
জন্মলগ্নৰে পৰা শৈক্ষিক দিশৰ উত্তৰণ আৰু শিক্ষাৰ্থীৰ সৰ্বতোপ্ৰকাৰৰ বিকাশৰ কাৰণে প্ৰচেষ্টা অব্যাহত ৰাখিছে নামতি চাৰিআলি জাতীয় বিদ্যা নিকেতনে । সুস্থ শৈক্ষিক বাতাবৰণ সৃষ্টিৰে ছাত্ৰ-ছাত্ৰীসকলক প্ৰকৃত মানুহ হোৱাৰ শিক্ষা প্ৰদান কৰা বিদ্যালয়খনে বিভিন্ন সময়ত গ্ৰহণ কৰি আহিছে বিভিন্ন কাৰ্যসূচী ।
25 বৰ্ষত ভৰি দিয়া নামতি চাৰিআলি জাতীয় বিদ্যা নিকেতনে বিদ্যালয়ৰ প্ৰাংগনত ৰূপালী জয়ন্তী কাৰ্যসূচীৰ লগতে দশম শ্ৰেণীৰ ছাত্ৰ-ছাত্ৰীসকলৰ শুভাশীষ অনুষ্ঠান আয়োজন কৰা কৰে(farewell of class 10th students) । এই শুভাশীষ অনুষ্ঠানত অংশগ্ৰহণ কৰি নিজৰ সমনীয়া আৰু আপোন বিদ্যালয়খন এৰি যোৱাৰ ক্ষণত ছাত্ৰ-ছাত্ৰীসকলক আৱেগিক হোৱা দেখিবলৈ পোৱা গ'ল ।
বহু বছৰৰ পৰা শিক্ষাগ্ৰহণ কৰি থকা ছাত্ৰ-ছাত্ৰীসকলে দশম শ্ৰেণীৰ হাইস্কুল শিক্ষান্ত পৰীক্ষাত(HSLC Exam 2023) অৱতীৰ্ণ হোৱাৰ পিছতেই আপোন বিদ্যালয়খন এৰি যাব লাগিব । বহু স্মৃতি আৰু আৱেগ, বাল্যবন্ধু, আপোন শিক্ষক-শিক্ষয়ত্ৰীক এৰি যোৱাৰ প্ৰাকমুহূৰ্তত আৱেগিক হৈ পৰিল ছাত্ৰ-ছাত্ৰীসকল ৷ ছাত্ৰ-ছাত্ৰী, অভিভাৱক, স্থানীয় লোকৰ সহযোগত ৰূপালী জয়ন্তীৰ শুভাৰম্ভণি অনুষ্ঠানত কেইবাশতাধিক লোকে অংশগ্ৰহণ কৰে ।
লগতে পঢ়ক:Major reshuffle in Assam Police : তদাৰকী আৰু দুৰ্নীতি নিবাৰক শাখাৰ পৰা অব্যাহতি জি পি সিঙক
