আমগুৰি, 18 জুলাই: ঘৰতে আচাৰ তৈয়াৰ কৰি শিৱসাগৰৰ আমগুৰিৰ এগৰাকী মহিলাই প্ৰশস্ত কৰিছে স্বাৱলম্বীতাৰ পথ ৷ মহিলাগৰাকী নিজে স্বাৱলম্বী হোৱাৰ লগতে, কৰ্মসংস্থাপন দিবলৈ সক্ষম হৈছে আন একাংশ মহিলাক ৷ আচাৰ, জাম, জেলী, চৰবত আদিৰ ব্যৱসায়েৰে স্বাৱলম্বী হোৱা মহিলা গৰাকীৰ নাম ভাৰতী দাস ৷ 2018 চনতে মহিলা গৰাকীয়ে নিজ ঘৰতে থলুৱাভাৱে উৎপাদিত ফলমূল, পাচলি ব্যৱহাৰ কৰি গঢ়ি তুলিছে এটা ক্ষুদ্ৰ উদ্যোগ ৷
এতিয়া বহু মহিলাৰে আদৰ্শ আমগুৰিৰ ভাৰতী দাস
থলুৱাভাৱে উৎপদিত সামগ্ৰীৰে আচাৰ, জাম, জেলী, চৰবত আদি প্ৰস্তুত কৰি, সেই সামগ্ৰীৰে ব্যৱসায় আৰম্ভ কৰি নিজে স্বাৱলম্বী হোৱাৰ লগতে, আন 4 গৰাকীকৈ মহিলাক কৰ্ম সংস্থাপন দিবলৈ সক্ষম হৈছে আমগুৰিৰ ভাৰতী দাসে ৷
ক্ষুদ্ৰ উদ্যোগেৰে স্বৱলম্বীতাৰ পথ প্ৰশস্ত
বি.ডি ইণ্ডাষ্ট্ৰীছ নামেৰে এটি ক্ষুদ্ৰ উদ্যোগ গঢ় দি ভাৰতী দাসে শিৱসাগৰ জিলাৰ ভিন্ন প্ৰান্তত ব্যৱসায় চলাই নিছে আচাৰকে ধৰি জাম, জেলী, চৰবত আদিৰ ৷ আমগুৰিৰ লগতে, শিৱসাগৰ জিলাৰ ভিন্ন প্ৰান্তত চলাই নিয়া এই ব্যৱসায়ত ভাৰতী দাসে, তেওঁৰ সহযোগী হিচাপে আন 4 গৰাকীকৈ মহিলাক দিছে কৰ্ম সংস্থাপন ৷ জানিব পৰা মতে, ভাৰতী দাসৰ এই ব্যৱসায় কেৱল শিৱসাগৰ জিলাৰ মাজতে সীমাবদ্ধ নাথাকি যোৰহাট আৰু ডিব্ৰুগড়ৰ বজাৰলৈয়ো সম্প্ৰসাৰণ ঘটিছে ৷ নিবনুৱা সমস্যাই জুৰুলা কৰা সাম্প্ৰতিক সময়ত ভাৰতী দাস হ'ব পাৰে বহু লোকৰ বাবে আদৰ্শস্বৰূপ ৷ লগতে তেওঁৰ উদাহৰণ সৰোগত কৰি স্বাৱলম্বীতাৰ বাট প্ৰশস্ত কৰিব পাৰে বহু মহিলাই ৷
ক্ষুদ্ৰ উদ্যোগেৰে স্বৱলম্বীতাৰ পথ প্ৰশস্ত কৰা আমগুৰিৰ ভাৰতী দাস