আমগুৰিত অনিৰ্দিষ্টকাললৈ বন্ধ ভাৰতীয় ষ্টেট বেংকৰ শাখা

আমগুৰিত অনিৰ্দিষ্টকাললৈ বন্ধ ভাৰতীয় ষ্টেটৰ বেংক শাখা ৷ শাখাটোৰ কৰ্মচাৰীৰ ক’ভিডত আক্ৰান্ত হোৱাৰ পাচত এই সিদ্ধান্ত বেংক কৰ্তৃপক্ষৰ ৷

আমগুৰি,29 এপ্ৰিল:শিৱসাগৰ জিলাৰ আমগুৰিত অনিৰ্দিষ্টকাললৈ বন্ধ ৰখা হৈছে ভাৰতীয় ষ্টেট বেংক শাখা ৷ শাখাটোৰ কৰ্মচাৰীৰ দেহত ক’ভিডৰ উপস্থিতি ধৰা পৰাৰ পাচতে শাখাটো বন্ধ ৰখাৰ সিদ্ধান্ত গ্ৰহণ কৰিছে বেংক কৰ্তৃপক্ষই ৷

উল্লেখ্য যে, আমগুৰিত ক্ৰমান্বয়ে ক’ভিড আক্ৰান্ত ৰোগীৰ সংখ্যা বৃদ্ধি পাবলৈ ধৰিছে । ইতিমধ্যে ম’ৰাবজাৰৰ এগৰাকী 75 বছৰীয়া মহিলা ক’ভিডত আক্ৰান্ত হৈ মৃত্যুক সাৱটিবলগীয়া হৈছে ।

প্ৰশাসনৰ সূত্ৰই জনোৱা মতে, ইতিমধ্যে আমগুৰিত 20 গৰাকীৰো অধিক ব্যক্তি ক’ভিডত আক্ৰান্ত হৈছে । ক’ভিড সংক্ৰমণৰ প্ৰতি লক্ষ্য ৰাখি জনসাধাৰণক সতৰ্কতা অৱলম্বন কৰিবলৈ আহ্বান জনায় জিলা প্ৰশাসনে ৷

লগতে পঢ়ক :নৈশ সান্ধ্য আইন ভংগকাৰীৰ বিৰুদ্ধে কঠোৰ ধেমাজি আৰক্ষী