আজমলক ভাগ্য নিয়ন্তা হ’বলৈ নিদিওঁ: সৰ্বানন্দ সোণোৱাল

কংগ্ৰেছে আনিলে অবৈধ বাংলাদেশী । নিকৃষ্ট ৰাজনীতি কৰিছে কংগ্ৰেছে । অসমীয়া জাতিৰ পক্ষত কংগ্ৰেছ নাই । বদৰুদ্দিন আজমলক কোনো যুক্তিতেই অসমীয়া জাতিৰ ভাগ্য নিয়ন্তা হ'বলৈ নিদিওঁ- এই মন্তব্য মুখ্যমন্ত্ৰী সৰ্বানন্দ সোণোৱালৰ ৷

আমগুৰি,১৬ মাৰ্চ:কংগ্ৰেছে আনিলে অবৈধ বাংলাদেশী । নিকৃষ্ট ৰাজনীতি কৰিছে কংগ্ৰেছে । অসমীয়া জাতিৰ পক্ষত কংগ্ৰেছ নাই । বদৰুদ্দিন আজমলক কোনো যুক্তিতেই অসমীয়া জাতিৰ ভাগ্য নিয়ন্তা হ'বলৈ নিদিও-এনে উদাত্ত ভাষণ সৰ্বানন্দ সোণোৱালৰ । মঙলবাৰে আমগুৰিত বিজেপি অগপৰ মিত্ৰজোঁটৰ প্ৰাৰ্থী প্ৰদীপ হাজৰিকাৰ হৈ প্ৰচাৰ চলাবলৈ আহি মুখ্য মন্ত্ৰী সোণোৱালে আমগুৰিত প্ৰদীপ হাজৰিকাক পুনৰবাৰ জয়ী কৰাবলৈ আহ্বান জনায় । প্ৰায় তিনি হাজাৰ অগপ আৰু বিজেপি কৰ্মীৰ সন্মুখত ভাষণ দিয়া মুখ্যমন্ত্ৰী সৰ্বানন্দ সোণোৱালৰ ভাষণৰ সময়ত দেখা গ'ল খালী চকী ।

সভাত প্ৰায় ত্ৰিশ হাজাৰ কৰ্মী সমবেত হোৱাৰ লক্ষ্য আগত ৰাখি অনুষ্ঠিত কৰা নিৰ্বাচনী সভাত খালী চকীৰ সন্মুখত মুখ্যমন্ত্ৰী সোণোৱালে ভাষণ দিয়া কাৰ্যই বিশেষ তাৎপৰ্য বহন কৰিছে । গৌৰীসাগৰৰ দুৰ্লভ গগৈ উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত নিৰ্বাচনী সভাত সাংসদ তপন কুমাৰ গগৈসহ অগপ বিজেপিৰ কৰ্মী উপস্থিত থাকে ৷

লগতে পঢ়কঃশাসনাধিষ্ঠৰ ‘কা’ক অগ্ৰাহ্যকৰণ, লংকাৰ তামিলৰ বিষয়টোৱে ঘোষণা পত্ৰক অধিক উচ্চকাংক্ষী কৰি তুলিছে